போர்ட்டோநோவோ செய்திகள்.

சாலையில் பைக் நிறுத்தி அடாவடி! பரங்கிப்பேட்டையில் டிராஃபிக் ஜாம்!!

2010-01-28T13:12:00.000+04:00

செய்தி: தினமலர் இணைய நாளிதழ்

+2 தொழிற்பிரிவு பாடங்களை ஒருங்கிணைத்து கல்வித்துறை உத்தரவு

2010-01-28T13:04:00.000+04:00

செய்தி: தினமலர் இணைய நாளிதழ்

நெட், ஸ்லெட் தேர்வுகளுக்கு இவலச பயிற்சி

2010-01-28T12:54:00.000+04:00

செய்தி: தினமலர் இணைய நாளிதழ்

பரங்கிப்பேட்டை நீதிமன்றத்தில் ஜெயலலிதா மீதான வழக்கு மீண்டும் ஒத்திவைப்பு

2010-01-28T12:52:00.000+04:00

செய்தி: தினமலர் இணைய நாளிதழ்

பரங்கிப்பேட்டை அருகே ரயில்வே ஸ்டேஷன் மாஸ்டர் சஸ்பெண்ட்

2010-01-28T12:48:00.000+04:00

செய்தி: தினமலர் இணைய நாளிதழ்

பரங்கிப்பேட்டை அன்னை மகளிர் சுய உதவிக் குழுவுக்கு பரிசுத் தொகை - மாவட்ட ஆட்சியர் வழங்கினார்

2010-01-28T12:39:00.000+04:00

கடலூர், ஜன. 26:

கடலூரில் செவ்வாய்க்கிழமை நடந்த குடியரசு தினவிழாவில் ரூ. 24.27 லட்சத்துக்கான நலத் திட்ட உதவிகளை மாவட்ட ஆட்சியர் (பொறுப்பு) எஸ். நடராஜன் வழங்கினார்.

கடலூர் அண்ணா விளையாட்டு அரங்கத்தில் நடந்த குடியரசு தின விழாவுக்கு வந்த மாவட்ட ஆட்சியரை, மாவட்டக் காவல் கண்காணிப்பாளர் அஸ்வின் கோட்னீஸ் வரவேற்றார்.

பின்னர் தேசியக் கொடியை மாவட்ட ஆட்சியர் ஏற்றி வைத்தார்.

போலீஸ் அணிவகுப்பு மரியாதையை ஆட்சியர் பார்வையிட்டார்.

வருவாய்த்துறை சார்பில் 51 பேருக்கு வீட்டுமனைப் பட்டா, விதவை மகள் திருமண உதவித் திட்டத்தில் 10 பேருக்கு தலா ரூ. 20 ஆயிரம் உதவித் தொகை உள்ளிட்ட ரூ. 24.27 லட்சம் மதிப்பிலான நலத்திட்ட உதவிகளை மாவட்ட ஆட்சியர் வழங்கினார்.

சிறப்பாகப் பணிபுரிந்த தலைமைக் காவலர்கள் 43 பேருக்கு பதக்கங்களை ஆட்சியர் வழங்கினார்.

மாவட்ட அளவில் மணிமேகலை விருது பெறத் தேர்வு செய்யப்பட்ட காட்டுமன்னார்கோவில் ஒன்றியம், மாவட்ட அளவில் விருதுக்குத் தேர்வு செய்யப்பட்ட கம்மாபுரம் சிறுமலர், பரங்கிப்பேட்டை அன்னை, கடலூர் மூகாம்பிகை மகளிர் சுய உதவிக் குழுக்களுக்கும் பரிசுத் தொகைகளை மாவட்ட ஆட்சியர் வழங்கினார்.

பள்ளி மாணவ மாணவியரின் கலைநிகழ்ச்சிகள் நடந்தன.

கடலூர் நகராட்சித் தலைவர் து. தங்கராசு உள்ளிட்டோர் கலந்து கொண்டனர்.

செய்தி: தினமணி இணைய நாளிதழ்

உலகத்தமிழ் இணைய மாநாடு! கம்ப்யூட்டர் தமிழ் வரைபட போட்டி!!

2010-01-26T13:02:00.000+04:00

செய்தி: தினமலர் இணைய நாளிதழ்

பரங்கிப்பேட்டையில் கொசு மருந்து அடிக்கும் பணி

2010-01-26T12:59:00.000+04:00

செய்தி: தினமலர் இணைய நாளிதழ்

சிதம்பரம் அண்ணாமலைப் பல்கலை. மருத்துவமனையில் கலைஞர் காப்பீட்டுத் திட்டம் ஆரம்பம்

2010-01-26T12:50:00.000+04:00

குடியரசு தின வாழ்த்துக்கள்

2010-01-26T12:40:00.000+04:00

இன்று சர்வதேச எழுத்தறிவு தினம்

2009-09-08T12:17:00.000+04:00

தமிழகத்தில் முதல் இரும்பு தொழிற்சாலை நகரம்

2009-08-30T13:09:00.001+04:00

மாபெரும் ஸீறத்(மீலா)துன் நபி (ஸல்) சிறப்பு மாநாடு

2008-04-03T14:01:00.000+04:00

பிஸ்மில்லாஹிர் ரஹ்மானிர் ரஹீம்

குவைத் தமிழ் இஸ்லாமியச் சங்கம் (K-Tic) ஏற்பாடு செய்த
மாபெரும் ஸீறத்(மீலா)துன் நபி (ஸல்) சிறப்பு மாநாடு

ரபீவுல் அவ்வல், ஹிஜ்ரி 1429 - மார்ச் 2008

21-03-2008 வெள்ளிக்கிழமை பிற்பகல் 4.30 மணி முதல் இரவு 10.30 மணி வரை குவைத் மைதான் ஹவல்லி (ஸால்மியா) பகுதியில் உள்ள ஷஅப் பார்க் அரங்கத்தில் குவைத் தமிழ் இஸ்லாமியச் சங்கம் (K-Tic) ஏற்பாடு செய்திருந்த மாபெரும் ஸீறத்(மீலா)துன் நபி சிறப்பு மாநாடு... மாநபியின் மகத்துவத்தை மலர வைக்கும் ஸீரத்(மீலா)துன் நபி சிறப்பு சொற்பொழிவு, K-Tic பிறை செய்தி மடல் மாத இதழின் 'ஸீரத்துன் நபி சிறப்பிதழ்' வெளியீட்டு விழா மற்றும் 'பல்வேறு போட்டிகளில் வெற்றி பெற்றோருக்கு பரிசளிப்பு விழா' என முப்பெரும் விழாவாக நடைபெற்றது. அல்ஹம்து லில்லாஹ்... மாநாட்டிற்கு சங்கத்தின் தலைவர் மவ்லானா மவ்லவீ அல்ஹாஜ் அஷ்ஷைக் T.P. அப்துல் லத்தீஃப் காஸிமி ஹழ்ரத் தலைமையேற்க, சங்கத்தின் துணைத்தலைவர் அல்ஹாஜ் A.A. கபீர் அலீ திருக்குர்ஆன் கிராஅத் ஓத, சங்கத்தின் ஹவல்லி கிளை பொறுப்பாளர் ஜனாப் A. ஹஸன் முஹம்மது வரவேற்புரையாற்ற, சங்கத்தின் பொதுச் செயலாளர் பரங்கிப்பேட்டை மவ்லவீ அஃப்ழலுல் உலமா அ.பா. கலீல் அஹ்மத் பாகவீ M.A., நிகழ்ச்சியை தொகுத்து வழங்க மாநாடு இனிதே துவங்கியது. முதல் அமர்வாக வாழ்த்தரங்கம் நடைபெற்றது. ஹலால் உணவு ஆய்வாளர் ஜனாப் A. நாகூர் மீரான் B.Sc., 'அண்ணலார் அருளிய ஆரோக்கிய வாழ்வு' என்ற தலைப்பிலும், சங்கத்தின் துணைத் தலைவர் அல்ஹாஜ் N.B. அப்துல் பாரி 'இனிய நபியின் இறை அழைப்பு' என்ற தலைப்பிலும், சமுதாயக் கவிஞர் எழுச்சிப் பாவலர் விழுப்புரம் ஷாஜி M.A., B.Ed., 'சற்குண நபியின் நற்குணங்கள்' என்ற தலைப்பிலும், திருநெல்வேலி ஷஃபி கல்வி அறக்கட்டளையின் தாளாளரும், குவைத் இண்டிகிரேடட் கலாசாலையின் துணை முதல்வரும், சங்கத்தின் கல்விக்குழு உறுப்பினருமான முனைவர் பேராசிரியர் M. அப்துல் ஹமீத் M.Sc., M.Phil., B.Ed., 'காருண்ய நபியின் கல்விப்பணி' என்ற தலைப்பிலும், சங்கத்தின் தலைமை நிலைய சொற்பொழிவாளரும், சங்கத்தின் சார்பாக குவைத் சுர்ரா பகுதியில் நடைபெற்றுவரும் மதரஸா அல் ஜமாலிய்யா திருக்குர்ஆன் பயிற்சி நிலையத்தின் பயிற்சியாளருமாகிய மௌலவீ ஹாஃபிழ் காரீ அஷ்ஷைக் A.R. முஹம்மது அலி ரஷாதி 'தாஹா நபியும் தஃவத்தும்' என்ற தலைப்பிலும், சங்கத்தின் பயிலரங்க குழு உறுப்பினரும், குவைத் ஹுஸைனிய்யா அரபி மொழி பயிற்சி நிலையத்தின் இயக்குநருமாகிய மவ்லவீ ஹாஃபிழ் காரீ அஷ்ஷைக் M. மஹ்பூப் பாஷா ரஷாதி 'சாந்த நபியும் சமுதாயச் சேவையும்' என்ற தலைப்பிலும், சங்கத்தின் உலமாக்கள் குழு உறுப்பினர் மவ்லவி ஹாஃபிழ் காரீ அஷ்ஷைக் M.J.M. முஹம்மது அஜ்வத் ரைவின்தி லாஹுர் (இலங்கை) 'ஸீரத்துன் நபி ஓர் பார்வை' என்ற தலைப்பிலும், சங்கத்தின் ஃபத்வா (மார்க்கத் தீர்ப்பு) குழு உறுப்பினர் பேராசிரியர் மவ்லவி அஷ்ஷைக் A. அப்துஸ் ஸலாம் தாவூதி 'திருநபியும் திருக்குர்ஆனும்' என்ற தலைப்பிலும் நபிகள் நாயகம் (ஸல்) அவர்கள் குறித்து வாழ்த்துரை வழங்கினர். இரண்டாவது அமர்வாக மக்ரிப் தொழுகை முடிந்தவுடன் மாலை 6:30 மணி முதல் ஸீரத்துன் நபி சிறப்பு நிகழ்ச்சி துவங்கியது. துவக்கமாக குவைத் நாடு தழுவிய அளவில் தமிழ் இஸ்லாமிய மாணவ மாணவியருக்கு நடத்தப்பட்ட திருக்குர்ஆன் மனன போட்டியில் முதல் மூன்று இடங்களில் வெற்றி பெற்ற ஒன்பது மாணவ மாணவியரின் திருக்குர்ஆன் ஓதுதல் நிகழ்ச்சி நடைபெற்றது. மாநாட் டின் தலைவர் மவ்லானா மவ்லவீ அல்ஹாஜ் அஷ்ஷைக் T.P. அப்துல் லத்தீஃப் காஸிமி ஹழ்ரத் அவர்களின் தலைமையுரைக்கு பின், குவைத் அவ்காஃப் மற்றும் இஸ்லாமிய விவகாரங்கள் அமைச்சகத்தின் ஒரு பிரிவான உலகளாவிய இஸ்லாமிய நடுநிலை அமைப்பி(I.M.C)ன் அச்சக நிர்வாகத் துறை அதிகாரி அஷ்ஷைக் ஸாமீ அல் அதுவானீ மாநாட்டின் சிறப்பு அழைப்பாளராக கலந்து கொண்டு வாழ்த்துரை வழங்கினார். தமிழகத்திலிருந்து வருகை தந்த சிறப்பு விருந்தினர் தமிழ்நாடு மாநில ஜமாஅத்துல் உலமா சபை மற்றும் மஜ்லிஸ் மதாரிஸுல் அரபிய்யா என்ற தமிழக அரபிக்கல்லூரிகளின் கூட்டமைப்பின் தலைவர், நீடுர் நெய்வாசல் ஜாமிஆ மிஸ்பாஹுல் ஹுதா அரபிக்கல்லூரியின் முனனாள் முதல்வர், சென்னை மந்தைவெளி பெரிய பள்ளிவாசலின் முன்னாள் தலைமை இமாம், வீரசோழன் கைராத்துல் இஸ்லாம் அரபிக்கல்லூரியின் இன்னாள் முதல்வர், நாடறிந்த நாவலர் மவ்லானா மவ்லவீ அல்ஹாஜ் அஷ்ஷைக் O.M. அப்துல் காதிர் பாகவீ ஹழ்ரத் கிப்லா அவர்கள் 'அண்ணல் நபி (ஸல்) அவர்கள் மீது அன்பு கொள்வோம்!' என்ற தலைப்பில் மிகச்சிறப்பாக மாநாட்டு பேருரையாற்றினார். இரண்டாவது நிகழ்ச்சியாக குவைத்திலிருந்து தமிழில் வெளியாகும் முதல் இலவச இஸ்லா மிய இதழான 'K-Tic பிறை செய்தி மடல்' மாத இதழின் '2008 - ஹிஜ்ரீ 1429 ஸீரத்துன் நபி (ஸல்) சிறப்பிதழ்' வெளியீட்டு நிகழ்ச்சி நடைபெற்றது. சிறப்பிதழை தமிழக சிறப்பு விருந்தினர் மவ்லானா மவ்லவீ அல்ஹாஜ் அஷ்ஷைக் O.M. அப்துல் காதிர் பாகவீ ஹழ்ரத் கிப்லா அவர்கள் வெளியிட சங்கத்தின் ஆலோசகர், குவைத் கோல்டன் அல்மாஸ் உணவக உரிமையாளர் ஜனாப் முஹம்மது முஸ்தஃபா பெற்றுக் கொண்டார். சிறப்பு மலரை தன் சொந்த செலவில் அச்சிட்டு வழங்கிய குவைத் லக்கி அச்சக அதிபர் சுலைமான் பாட்சா (அய்யம்பேட்டை) அவர்களுக்கு நன்றி தெரிவிக்கப்பட்டது. மூன்றாவது நிகழ்ச்சியாக... குவைத்தில் வசிக்கும் தமிழறிந்த அனைத்து இஸ்லாமிய மக்களுக்கும் நாடு தழுவிய அளவில் ஆண் பெண் இருபாலருக்கும் தனித்தனியாக 'மாபெரும் இஸ்லாமிய சொற்பொழிவு மற்றும் திருக்குர்ஆன் மனனப் போட்டிகள்', அனைத்து தரப்பு மக்களுக்கும் 'இஸ்லாமிய பொதுஅறிவு போட்டி' ஆகியவற்றை கடந்த பிப்ரவரி (2008) மாதம் குவைத் தமிழ் இஸ்லாமியச் சங்கம் (K-Tic) ஏற்பாடு செய்திருந்தது. 'இஸ்லாமிய சொற்பொழிவு மற்றும் திருக்குர்ஆன் மனனப் போட்டிகள்' வெற்றி பெற்ற ஆடவர், மகளிர் என ஒவ்வொரு பிரிவினருக்கும் முறையாக முதலாவது, இரண்டாவது, மூன்றாவது மற்றும் பத்து ஆறுதல் பரிசுகளும், போட்டிகளில் பங்கேற்ற அனைவருக்கும் சான்றிதழ்களும் வழங்கப்பட் டன. 'இஸ்லாமிய பொதுஅறிவு போட்டி'யில் சரியான முறையில் விடையெழுதியவர்களில் குலுக்கல் முறையில் தேர்ந்தெடுக்கப்பட்டு முதலாவது, இரண்டாவது, மூன்றாவது மற்றும் பத்து ஆறுதல் பரிசுகளும், சரியான விடையெழுதிய அனைவருக்கும் சான்றிதழ்களும் வழங்கப்பட்டன. போட்டிகளை சிறப்பான முறையில் நடத்தி கொடுத்த நடுவர்களுக்கும் இந்நிகழ்ச்சியில் சான்றிதழ்கள் வழங்கப்பட்டன. பரிசுகள் மற்றும் சான்றிதழ்களை தமிழக சிறப்பு விருந்தினர் மவ்லானா மவ்லவீ அல்ஹாஜ் அஷ்ஷைக் O.M. அப்துல் காதிர் பாகவீ ஹழ்ரத் கிப்லா அவர்கள் வழங்கினார். குவைத் அவ்காஃப் / இஸ்லாமிய விவகாரங்கள் துறை முன்னாள் அமைச்சர் அஷ்ஷைக் யூஸுஃப் ஹாஷிம் ரிஃபாயி, குவைத் பல்கலைக்கழக புவி மற்றும் நிலவியல் பேராசிரியர் டாக்டர் இப்ராஹீம் அல் ரிஃபாயி, குவைத் தொழில்நுட்ப கல்வியியல் கல்லூரியின் பொறியியல் துறை உதவி பேராசிரியர் டாக்டர் ஜமால் அப்துல்லாஹ் அலீ அல் ஹுபைல் ஆகியோரின் வாழ்த்துச் செய்திகளும் மாநாட்டு நிகழ்ச்சியில் வாசிக்கப்பட்டன. சங்கத்தின் பொதுச் செயலாளர் பரங்கிப்பேட்டை மவ்லவீ அஃப்ழலுல் உலமா அஷ்ஷைக் அ.பா. கலீல் அஹ்மத் பாகவீ M.A., குவைத் தமிழ் இஸ்லாமியச் சங்கம் (K-Tic) ஆரம்பிக்கப்பட்டதின் நோக்கம், அதன் கொள்கைகள், சேவைகள், செயற்பாடுகள் குறித்து எடுத்துரைக்க, சங்கத்தின் துணைத்தலைவர் மவ்லானா மவ்லவீ அஷ்ஷைக் M.S. முஹம்மது மீராஷா ஃபாஜில் பாகவீ நன்றியுரையாற்ற, தமிழக சிறப்பு விருந்தினர் மவ்லானா மவ்லவீ அல்ஹாஜ் அஷ்ஷைக் O.M. அப்துல் காதிர் பாகவீ ஹழ்ரத் கிப்லா அவர்களின் துஆவுடன் மாநாடு இனிதே நிறைவுற்றது. இச்சிறப்பு மிகு மாநாட்டில் குவைத்தின் பல பகுதிகளிலிருந்தும் தமிழகம் மற்றும் இலங்கையைச் சேர்ந்த உலமாக்கள், தொழிலதிபர்கள், வியாபாரிகள், பணியாளர்கள், பல்வேறு இஸ்லாமிய அமைப்பைச் சேர்ந்த சகோதர சகோதரிகள் என நூற்றுக்கணக்கானோர் அரங்கம் நிரம்ப தங்கள் குடும்பங்களுடன் கலந்து கொண்டு பயன்பெற்றமை, குவைத் தமிழ் இஸ்லாமியச் சங்கத்தினரை மகிழ்ச்சியில் ஆழ்த்தியது மட்டுமின்றி இன்னும் இதுபோன்ற பயனுள்ள பல மாநாடுகளையும், நிகழ்ச்சிகளையும் அதிகமதிகம் நடத்த வேண்டும் என்ற பேராவலையும் தூண்டி விட்டது. நிகழ்ச்சிக்கான ஏற்பாடுகளை குவைத் தமிழ் இஸ்லாமியச் சங்கத்தின் நிர்வாகிகள், கிளை பொறுப்பாளர்கள், செயற்குழு உறுப்பினர்கள், களப்பணியாளர்கள், ஸீரத்துன் நபி விழாக் குழுவினர் மற்றும் K-Tic பிறை செய்தி மடல் மலர்க்குழுவினர் சிறப்பான முறையில் ஏற்பாடு செய்திருந்தனர். அல்ஹம்துலில்லாஹ். மேலதிக செய்திகளுக்கும், மாநாட்டு புகைப்படங்களை பதிவிறக்கம் செய்து கொள்வதற்கும், சங்கத்தின் செயற்பாடுகள் குறித்து அறிந்து கொள்வதற்கும் சங்கத்தின் அதிகாரப்பூர்வ இணைய தளமான www.k-tic.com என்ற இணையதளத்தை பார்வையிடுமாறும், தங்களின் மேலான கருத்துக்கள், ஆலோசனைகளை q8tic@yahoo.com / ktic.kuwait@gmail.com என்ற மின்னஞ்சல் முகவரிகளுக்கு அனுப்பி வைக்குமாறும், உடனுக்குடன் தகவல்கள் தங்களின் மின்னஞ்சல்களுக்கு வந்து சேர http://groups.yahoo.com/group/K-Tic-group என்ற யாஹு குழுமத்தின் தங்களை இணைத்துக் கொள்ளுமாறும் சங்க செய்திக்குறிப்பு அழைப்பு விடுக்கின்றது. நன்றி. வஸஸலாம்.

செய்தி :
தகவல் தொடர்பு பிரிவு,
குவைத் தமிழ் இஸ்லாமியச் சங்கம்
மின்னஞ்சல்கள் : q8tic@yahoo.com / ktic.kuwait@gmail.com
இணையதளம் : www.k-tic.com
யாஹூ குழுமம் : http://groups.yahoo.com/group/K-Tic-group

பரங்கிப்பேட்டையில் ஃபித்ரா (பெருநாள் தர்மம்) நிகழ்ச்சி

2007-11-03T17:32:00.000+04:00

பரங்கிப்பேட்டை மாநகரில் ஃபித்ரா (பெருநாள் தர்மம்) நிகழ்ச்சி மஹ்மூதியா ஷாதி மஹாலில் மிகவும் சிறப்பாக நடைபெற்றது. இந்நிகழ்ச்சியில் ஏராளமான ஏழைகள் கலந்துக்கொண்டு
ஃபித்ராவை (பெருநாள் தர்மத்தை)
பெற்றுக்கொண்டனர்.

ஃபித்ரா (பெருநாள் தர்மம்) என்பது
ஏழைகளுக்குறியதாகும்.
அதை பெருநாளைக்கு முந்தைய தினம் ஏழைகளுக்கு வழங்க வேண்டியது அவசியமானதாகும்.

இந்த வகையில் பரங்கிப்பேட்டையில் நடைப்பெற்ற ஃபித்ரா (பெருநாள் தர்மம்) நிகழ்ச்சி இஸ்லாமிய ஐக்கிய ஜமாத்தின் சார்பாக தலைவர் ஜானப். முஹம்மது யூனுஸ் அவர்களின் தலைமையில் சிறப்பாக நடைப்பெற்றது.

இதில் அமைப்பை சார்ந்த சகோதரர்களும் அமைப்பை சாரா சகோதரர்களும் ஏராளமானோர் கலந்துக்கொண்டு சிறப்பாக செயல்பட்டனர்.

ஏழைகளுக்கு வழங்கப்பட வேண்டி தயார் செய்து வைக்கப்பட்ட உணவுப்பொருட்கள்

இவர்களுக்கு மத்தியில் இளைஞர்கள் மற்றும் சிறுவர்கள் இதில் பங்கேற்று

சிறப்பாக செயல்பட்டது குறிப்பிடத்தக்கது.

சிறுவர்கள் ஏழைகளை புன்னகையுடன் அன்போடு வரவேற்று அவர்ளுக்கு ஃபித்ரா (பெருநாள் தர்மம்) வழங்கியது சிறுவர்களுக்கு மத்தியில் சமுதாயத்தின் மீதுள்ள ஆர்வத்தையும் ஏழைகளின் மீதுள்ள அன்பையும் வெளிப்படுத்துகின்றது.

வெடிவிபத்து....!

2007-10-29T23:34:00.000+04:00

கடலூர்:

கடலூர் அருகே உள்ள ஒரு தனி நபருக்குச்சொந்தமான வெடிக்கடை கிடங்களில் ஏற்பட்ட தீ விபத்தில் 8 பேர் பலியானார்கள். கடையின் உரிமையாளர் உட்பட கிடங்கில் பணிபுரிந்த ஒரு சில நபர்கள் அதிக காயங்களுடன் உயிர் தப்பினர். அவர்களுக்கு கடலூர் அரசு மருத்துவமனையில் தீவிர சிகிச்சை அளிக்கப்பட்டு வருகிறது.

இது குறித்து கடலூர் நகர போலீசார் வழக்கு பதிவுசெய்து விசாரித்து வருகிறார்கள்.

பரங்கிப்பேட்டையில் ஹெல்மெட் அணியாதவர்கள் மீது வழக்கு

2007-10-27T09:20:00.001+04:00

ஹெல்மெட் அணியாதவர்கள் மீது வழக்கு

பரங்கிப்பேட்டை :

பரங்கிப்பேட்டை சப் இன்ஸ்பெக்டர்கள் மதிவாணன், திருவேங்கடம், ஏட்டு ராதா ஆகியோர் பு.முட்லூர் பகுதியில் வாகன தணிக்கை மேற்கொண்ட போது ஹெல்மெட் போடாமல் மோட்டார் சைக்கிள் ஓட்டி வந்த பரங்கிப் பேட்டை ராஜகோபால் (33), மோகன் (39), கனகசபை (45), புதுப்பேட்டை செந்தில் (28), பரங்கிப்பேட்டை காமாட்சியம்மன் கோவில் தெரு சண்முகம் (25) ஆகியோர் மீது வழக்கு பதிந்தனர்.

பரங்கிப்பேட்டையில் மரத்தை வெட்டியவர் மீது வழக்கு

2007-10-27T09:20:00.000+04:00

மரத்தை வெட்டியவர் மீது வழக்கு

பரங்கிப்பேட்டை :

சென்னை மந்தைவெளி பகுதி அம்ஜா மரைக்காயரும் பரங்கிப்பேட்டை கொள்ளன்கடை தெரு ஹாஜியும் சகோதரர்கள்.

இருவருக்கும் சொத்து சம்மந்தமாக கோர்ட்டில் வழக்கு நடக்கிறது.

இந்நிலையில் அம்ஜாவுக்கு சொந்தமான வேப்ப மரத்தை ஹாஜி வெட்டினார்.

இது குறித்த புகாரின் பேரில் பரங்கிப்பேட்டை சப் இன்ஸ்பெக்டர் மதிவாணன், ஏட்டு ராதா ஆகியோர் வழக்கு பதிந்து விசாரிக்கின்றனர்.

ராணுவத்திற்கு ஆள் தேர்வு

2007-10-25T14:35:00.000+04:00

உளுந்தூர்பேட்டையில் ராணுவத்திற்கு ஆள் தேர்வு

கலெக்டர் ராஜேந்திர ரத்னூ அறிக்கை

விழுப்புரம் மாவட்டம் உளுந்தூர்பேட்டையில் ராணுவத்திற்கு ஆள் தேர்வு செய்கிறார்கள் என்று கலெக்டர் ராஜேந்திர ரத்னூ தெரிவித்துள்ளார்.

இது குறித்து மாவட்ட கலெக்டர் ராஜேந்திர ரத்னூ ஒரு அறிக்கை வெளியிட்டு உள்ளார். அதில் கூறப்பட்டு இருப்பதாவது:-

விழுப்புரம் மாவட்டம், உளுந்தூர்பேட்டையில் வருகிற 31-ந் தேதி முதல் 6-ந் தேதி வரை விழுப்புரம், கடலூர், வேலூர், திருவண்ணாமலை, காஞ்சிபுரம், திருவள்ளுர், சென்னை மற்றும் பாண்டிச்சேரியை சேர்ந்தவர்களுக்கு ராணுவத்திற்கு ஆள் தேர்வு நடைபெற உள்ளது.

தகுதிகள்

இந்த தேர்வில் சோல்ஜர் டிரேட்ஸ்மென் பதவிக்கு மெட்ரிக் படிப்பிற்கு குறைவாக படித்தவர்கள் 171/2 வயது முதல் 23 வயது வரை, உயரம் 166 செ.மீ, எடை 48 கிலோ. சோல்ஜர் ஜெனரல் 10-ம் வகுப்பு தேர்ச்சி வயது 171/2 வயது முதல் 21 வயது வரை, உயரம் 166 செ.மீ., எடை 50 கிலோ,

மற்றும் சோல்ஜர் டெக்னிக்கல், சோல்ஜர் நர்சிங் அசிஸ்டெண்ட், சோல்ஜர் கிளார்க்/ஸ்டோர்கீப்பர் பதவிகளுக்கு வயது 171/2 வயது முதல் 23 வயது வரை, மேல்நிலை கல்வி தேர்ச்சி மற்றும் பட்டயகல்வி தேர்ச்சி பெற்றிருக்க வேண்டும்.

உடற்தகுதி தேர்வு

கடலூர் மாவட்டத்தை சேர்ந்த இளைஞர்களுக்கான தேர்வு சோல்ஜர் டிரேட்ஸ்மென் பதவிக்கு வருகிற 31-ந் தேதி சான்று சரிபார்ப்பும் வருகிற 1-ந் தேதி உடற்தகுதித் தேர்வும்,

சோல்ஜர் ஜெனரல் வருகிற 1-ந் தேதி சான்று சரிபார்ப்பும், வருகிற 7-ந் தேதி உடற்தகுதிதேர்வும்,

சோல்ஜர் நர்சிங் அசிஸ்டெண்ட் பதவிக்கு வருகிற 3-ந் தேதி சான்று சரிபார்ப்பும், வருகிற 4-ந் தேதி உடற்தகுதி

சோல்ஜர் கிளார்க்/ஸ்டோர் கீப்பர் பதவிக்கு வருகிற 9-ந் தேதி சான்று சரிபார்ப்பும், வருகிற 5-ந் தேதி உடற்தகுதி தேர்வும் நடைபெற உள்ளது.

சான்றிதழ்

மேலும், ராணுவத்தில் சேர கல்விச்சான்று பள்ளி மாற்று சான்றிதழ், மதிப்பெண் பட்டியல், பிறப்பிட சான்றிதழ், என்.சி.சி. சான்றிதழ், சாதிச்சான்றிதழ், முன்னாள் படைவீரரின்/விதவையரின் பிள்ளைகள் தகப்பனாரின் அசல்படை விலகல் சான்று மற்றும் 12 பாஸ்போர்ட் சைஸ் போட்டோ ஆகியவற்றுடன் கடலூர் மாவட்டத்தை சேர்ந்த இளைஞர்கள் ராணுவத்தில் சேர்ந்து பயன்பெறுமாறு கடலூர் மாவட்ட கலெக்டர் ராஜேந்திர ரத்னூ தெரிவித்துள்ளார்.

மேலும், விபரங்களுக்கு கடலூர் மாவட்ட முன்னாள் படைவீரர் நல உதவி இயக்குனரை அணுகுமாறு கேட்டு கொள்ளப்படுகிறார்கள்.

இவ்வாறு கடலூர் மாவட்ட கலெக்டர் ராஜேந்திர ரத்னூ தனது செய்தி குறிப்பில் தெரிவித்திருந்தார்.

பரங்கிப்பேட்டை அருகே சாலையை சீரமைக்க நடவடிக்கை எடுக்கப்படுமா?

2007-10-24T19:28:00.000+04:00

பரங்கிப்பேட்டை அருகே சின்னகுமட்டி சாலையை சீரமைக்க நடவடிக்கை எடுக்கப்படுமா?

- பொதுமக்கள் எதிர்பார்ப்பு

பரங்கிப்பேட்டை அருகே உள்ள சின்ன குமட்டி சாலையை சீரமைக்க வேண்டும் என்று அப்பகுதி பொதுமக்கள் எதிர்பார்க்கின்றனர்.

சின்னகுமட்டி சாலை

கடலூர் மாவட்டம் பரங்கிப்பேட்டை ஊராட்சி ஒன்றியம் சின்னகுமட்டி கிராமத்தில் இருந்து கடலூர் - சிதம்பரம் மெயின் ரோடு வரை உள்ள தார் சாலை சுமார் 1 கிலோ மீட்டர் மிகவும் மோசமாக உள்ளது.

இந்த சாலை போடப்பட்டு 15 ஆண்டுகள் ஆகிறது.

இதுவரை சாலை பராமரிக்கப்படவில்லை.

சாலையில் வெறும் ஜல்லிகள் மட்டும் கத்தி போல் உள்ளது.

இதனால் இந்த சாலை வழியாக சைக்கிளில் செல்லும் மாணவ - மாணவிகள், பொதுமக்கள் பெரிதும் பாதிக்கப்பட்டு வருகின்றனர்.

அவர்களுடைய சைக்கிளில் ஜல்லிகள் குத்தி பஞ்சர் ஆகி விடுகிறது.

இதன் காரணமாக பள்ளிக்கு நடந்து செல்லும் நிலை ஏற்பட்டுள்ளது.

நடந்து சென்றாலும் சாலையில் உள்ள ஜல்லிகள் மாணவிகளின் காலில் குத்தி ரத்த காயம் ஏற்படுத்தி விடுகிறது.

தற்போது நடந்து செல்ல முடியாத அளவுக்கு சாலை மோசமாக மாறிவிட்டது.

சீரமைக்க வேண்டும்

சைக்கிளில் இரவு நேரத்தில் வருபவர்கள் கீழே விழுந்து தான் செல்ல வேண்டும். அந்த அளவுக்கு சாலைகள் பள்ளமாக உள்ளது.

மழைக் காலங்களில் சாலையில் உள்ள பள்ளத்தில் மழைநீர் தேங்கி நிற்கிறது.

இதன் காரணமாக பொதுமக்கள் பெரிதும் பாதிக்கப்படுகின்றனர்.

இந்த சாலையை சரி செய்ய வேண்டும் என்று அப்பகுதி மக்கள், ஒன்றிய கவுன்சிலர் பூங்கொடி கனகராஜன் ஆகியோர் மாவட்ட கலெக்டருக்கு பல முறை மனு அனுப்பியும் எந்தவித நடவடிக்கையும் எடுக்கவில்லை.

நடவடிக்கை

ஆகவே, பள்ளி மாணவர்கள், பொதுமக்கள், வியாபாரிகள் நலன் கருதி அப்பகுதி சாலையை சீரமைக்க நடவடிக்கை எடுக்க வேண்டும் என்று அப்பகுதி பொதுமக்கள் எதிர்பார்க்கின்றனர்.

பரங்கிப்பேட்டை அருகே குடிநீரின்றி தவிக்கும் கிராம மக்கள்

2007-10-24T19:09:00.000+04:00

பரங்கிப்பேட்டை அருகே குடிநீரின்றி தவிக்கும் சிலம்பிமங்கலம் கிராம மக்கள்
மாவட்ட நிர்வாகம் நடவடிக்கை எடுக்குமா?

பரங்கிப்பேட்டை அருகே குடிநீரின்றி சிலம்பிமங்கலம் ஊராட்சி மக்கள் தவித்து வருகின்றனர்.

இதனை மாவட்ட நிர்வாகம் கண்டு நடவடிக்கை எடுக்க வேண்டும் என்று அப் பகுதி மக்கள் எதிர் பார்க்கின்றனர்.

குடிநீர் வசதி

கடலூர் மாவட்டம் பரங்கிப்பேட்டை ஊராட்சி ஒன்றியத்தை சேர்ந்தது சிலம்பிமங்கலம் ஊராட்சி.

இந்த ஊராட்சியில் ஆயிரத்துக்கும் மேற்பட்ட குடும்பத்தினர் வசித்து வருகின்றனர்.

ஊராட்சியின் மெயின்ரோட்டில் கடந்த 4 ஆண்டுகளுக்கு முன்பு பொதுமக்கள் குடிநீர் வசதிக்காக குடிநீர் குழாய் அமைக்கப்பட்டது.

குடிநீர் அமைக்கப்பட்டு 4 ஆண்டுகள் ஆகியும் குழாயில் தண்ணீர் வரவில்லை.

இதனால் மெயின் ரோட்டில் வசித்து வரும் பொதுமக்கள் பெரிதும் பாதிக்கப்பட்டு வருகின்றனர்.

குடிநீர் வராததால் ஊராட்சி மன்ற தலைவர் காசிநாதனிடம் அப்பகுதி மக்கள் பல முறை நேரில் சென்றும், மனுவாகவும் எழுதி கொடுத் தனர்.

சீரமைக்க வேண்டும்

ஆனால், இதுவரை எந்தவித நடவடிக்கையும் எடுக்கவில்லை.

மெயின் ரோட்டில் அமைக்கப்பட்ட குடிநீர் குழாய்களில் பொது மக்கள் தங்கம் ஆடு, மாடுகளை கட்டி வைத்துள்ளனர்.

சிலர் அந்த குடிநீர் குழாயை குப்பை தொட்டியாக வைத்துள்ளனர்.

பொது மக்களுக்காக செலவு செய்து வைக்கப்பட்ட குடிநீர் குழாய்கள் தற்போது செயல்படாமல் உள்ளது.

இதனால் அரசு பணம் வீணாகி வருகிறது.

மெயின் ரோட்டில் அமைக்கப்பட்ட குடிநீர் குழாயில் தண்ணீர் வராததால் அப்பகுதி மக்கள் வெகு தூரம் சென்று குடிநீர் பிடித்து வருகின்றனர்.

ஆகவே, பொதுமக்களின் நலன் கருதி அந்த குடிநீர் குழாய்களில் தண்ணீர் வர நடவடிக்கை எடுக்குமாறு அப்பகுதி மக்கள் எதிர்பார்க்கின்றனர்.

வாக்காளர் பட்டியல்

2007-10-21T00:23:00.000+04:00

அன்பார்ந்த வாசகர்களுக்கு...

தங்களது வாக்காளர் பட்டியல் பற்றிய விபரங்களை இங்கு தெறிந்து கொள்ளவும்.

http://er2005.tn.nic.in/ac66.htm

ரமலான் சிந்தனைகள் - 17

2007-09-30T09:43:00.000+04:00

ரமலான் சிந்தனைகள் - 17

தேனீயைப் போல் வாழ்வோம்

மனிதனாகப் பிறந்து விட்டோம்.

நம்மை மலை போல் பல துன்பங்கள் சூழுகின்றன.

இருந்தாலும், அவற்றைக் கண்டு மலைத்து விடக் கூடாது என்பதே இன்றைய ரம்ஜான் சிந்தனை.

குர்ஆனில் தேனீக்களின் வாழ்க்கை முறை பற்றி சொல்லப்பட்டுள்ளது.

அவற்றின் வாழ்க்கையைப் பார்த்து மனிதன் கற்றுக் கொள்ள வேண்டியவை நிறைய உள்ளன.

தேனீக்கள் மிக மிக உயரமான இடங்களில் கூட அடுக்கடுக்காய் அழகிய சதுரக் கூடுகளைக் கட்டி விடுகின்றன.

இந்த திறமையை மனிதவியலோடு ஒப்பிட்டுப் பாருங்கள்.

தேனீக்கள் உயரத்தைக் கண்டு எப்படி மலைப்பதில்லையோ, அவ்வாறே மனிதனும் தன் கடமை எவ்வளவு கடினமானதாயினும் மலைக்கவோ, தயங்கவோ கூடாது.

மரம், செடி, கொடிகளின் பாகங்களில் இருந்து அவை தேன் எடுத்து வருகின்றன.

இந்தத் தேனை அவை எப்படி கண்டுபிடித்து எடுக்கின்றன?

இது எப்படி சாத்தியமாகிறது?

மனிதனால் இப்படி பூவில் இருந்து தேன் எடுக்க முடியுமா?

நுண்ணிய ஆராய்ச்சி செய்தால்தான் இது போன்ற சாதனைகள் சாத்தியமாகும்.

மனிதனும், தேனீயைப் போல் நுண்ணறிவு பெற வேண்டும் என்பதை இது காட்டுகிறது.

தேன் எடுக்கச் செல்லும் வண்டுகள், வந்த வழியை மறக்காமல் அதே வழியில் மீண்டும் திரும்புகின்றன.

மனிதன் வெற்றி பெற்ற பிறகு, வந்த வழியைத் திரும்பிப் பார்க்க வேண்டும்.

தன் வெற்றியின் மூலம், அவன் பணக்காரனாகி விட்டாலும் கூட, அதன் பின்னணியில் இருப்பவர்களையும், முன்பு என்ன நிலையில் இருந்தோம் என்பதையும் மறந்து விடாமல் நினைத்துப் பார்க்க வேண்டும்.

இப்படி, தேனீக்கள் போலவே வாழ கற்றுக் கொள்வோம்.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

பரங்கிப்பேட்டை அருகேயுள்ள மாணவ-மாணவிகள் பள்ளி, கல்லூரிக்கு சென்று வர பஸ் வசதி

2007-09-30T09:36:00.000+04:00

பரங்கிப்பேட்டை அருகேயுள்ள கிள்ளை மற்றும் கீழ் அனுவம்பட்டு கிராம மாணவ-மாணவிகள் பள்ளி, கல்லூரிக்கு சென்று வர பஸ் வசதி

கலெக்டர் ராஜேந்திர ரத்னூ நடவடிக்கை

கிள்ளை மற்றும் கீழ் அனுவம்பட்டு கிராமங்களை சேர்ந்த மாணவ, மாணவிகள் சிதம்பரத்தில் உள்ள பள்ளி, கல்லூரிகளுக்கு சென்று வர பஸ் வசதி செய்து தரப்பட்டுள்ளது. இதற்கான நடவடிக்கையை கலெக்டர் ராஜேந்திர ரத்னூ மேற்கொண்டார்.

இது குறித்து மாவட்ட வேளாண்மை அதிகாரி கணேசன் வெளியிட்டுள்ள செய்தி குறிப்பில் கூறியிருப்பதாவது:-

விவசாயிகள் புகார்

கிள்ளை, கீழ் அனுவம்பட்டு மற்றும் அதனைச் சுற்றியுள்ள கிராமப்பகுதி மாணவர்கள் காலையில் சிதம்பரம் நகருக்கு செல்லவும், மாலையில் சிதம்பரத்தில் இருந்து கிராமங்களுக்கு திரும்பவும் வசதியாக நகர பஸ்கள் விட வேண்டும் என விவசாய சங்கத் தலைவர்கள் கடலூரில் நடந்த விவசாயிகள் குறைகேட்பு கூட்டத்தில் புகார் தெரிவித்தனர்.

அதன் அடிப்படையில், மாணவர்களின் பள்ளி, கல்லூரி நேர வசதிக்கேற்ப காலையில் கிள்ளையில் இருந்து சிதம்பரத்துக்கும், மாலையில் சிதம்பரத்தில் இருந்து கிள்ளைக்கும் நகர பஸ் இயக்க மாவட்ட கலெக்டர் ராஜேந்திர ரத்னூ தமிழ்நாடு அரசு போக்குவரத்துக்கழக விழுப்புரம் கோட்ட பொது மேலாளரை கேட்டுக்கொண்டார்.

பஸ் வசதி

அதன் பேரில் காலையில் கிள்ளையில் இருந்து சிதம்பரத்துக்கும், மாலையில் சிதம்பரத்தில் இருந்து கிள்ளைக்கும் மாணவர் வசதிக்கேற்ப நகர பஸ் இயக்கப்படுகிறது.

விவசாயிகள் குறைகேட்பு கூட்டத்தில் விவசாய சங்கப் பிரதிநிதிகள் தெரிவிக்கும் புகார்களை கடலூர் மாவட்ட கலெக்டர் சம்பந்தப்பட்ட துறையினருக்கு உடனடியாக தெரிவித்து குறைகள் தீர்க்கப்படுகிறது.

இவ்வாறு அந்த செய்தி குறிப்பில் கூறப்பட்டுள்ளது.

ஜெயலலிதா வழக்கு - பரங்கிப்பேட்டை கோர்ட் ஒத்திவைப்பு

2007-09-29T09:27:00.001+04:00

தேர்தல் விதி மீறல் வழக்கு அக்., 26ம் தேதி ஒத்திவைப்பு

தேர்தல் விதிமுறைகளை மீறியதாக அ.தி.மு.க., பொதுச் செயலர் ஜெயலலிதா மீது தொடரப்பட்ட வழக்கு விசாரணை அக்., 26ம் தேதிக்கு ஒத்தி வைக்கப்பட்டது.

தமிழகத்தில் கடந்த 2001ம் ஆண்டு தேர்தலில் நான்கு தொகுதிகளில் முன்னாள் முதல்வர் ஜெ., மனு தாக்கல் செய்து விதி மீறியதாக வழக்கு தொடரப்பட்டது.

பரங்கிப்பேட்டை மாஜிஸ்திரேட் கோர்ட்டில் வழக்கு விசாரணை நிலுவையில் உள்ளது.

இந்த வழக்கு நேற்று விசாரணைக்கு வந்த போது அக்., 26ம் தேதிக்கு ஒத்தி வைத்து மாஜிஸ்திரேட் உத்தரவிட்டார்.

ரமலான் சிந்தனைகள் - 16

2007-09-29T09:27:00.000+04:00

ரமலான் சிந்தனைகள் - 16

பருவம் ஒரு பாடம்

குழந்தைப் பருவத்தைக் கடந்து இளைய பருவத்தை அடைந்து விட்டாலே மனிதர்களுக்கு பொறுப்பு வந்து விட வேண்டும் என்பதே இன்றைய ரம்ஜான் சிந்தனையாக அமையட்டும்.

நபிகள் நாயகம் ஒவ்வொரு பருவத்திலும் மக்கள் கடைபிடிக்க வேண்டியதை மிக அருமையாகச் சொல்கிறார்.

"இளைஞர்களே! உங்களின் பிள்ளைப்பருவம் கடந்து விட்டது.

எனவே இறைவனுக்கு வழிபடுவதையும், நன்மையான செயல்களைச் செய்வதையும் இளமைப் பருவத்தில் தவறவிட்டால், பின்னர் எந்தக் காலத்தில் நீங்கள் அதனை ஈடுசெய்யப் போகின்றீர்?

உங்களின் இளமை ஆட்டங்களில் மிக எச்சரிக்கையாக இருந்து கொள்ளுங்கள்.

இளமைப் பருவம் ஷைத்தான் வேட்டையாடும் தலமாகும்.

மண்ணறையில் இருந்து (இறந்த பிறகு) எழுப்பப்பட்டு கேள்வி கணக்கிற்காக (விசாரணை) இறைவன் முன் நிறுத்தப்படும் போது,

"ஆ! என் இளமை விளைவித்த கேடே! என்று எத்தனையோ இளைஞர்கள் அழுது புலம்புவார்கள்.

மானக்கேடே! என்று எத்தனையோ பெண்கள் கதறுவார்கள்.

ஆ! முதுமையே என எத்தனையோ முதியோர்கள் தம்மை நொந்து கொள்வார்கள்.

இத்தகைய பரிதாப நிலைமைகளை எண்ணிப்பார்த்து வாழ்வது அறிவுள்ளவர்களுக்கு படிப்பினையாகும்''

என்கிறார் அவர்.

ஆனால், இன்று நிலைமை என்ன?

இளைஞர்களில் ஒரு பகுதியினர் இறைவனின் கட்டளைகளுக்குப் புறம்பாக, நாகரிகம் என்ற போர்வையைப் போர்த்திக் கொண்டு கேடான செயல்களில் ஈடுபடுகிறார்கள்.

சில பெண்களும் ஆபாசமாய் உடையணிந்து, இளைஞர்களைக் கெடுக்கும் நிலையில் உள்ளார்கள்.

இளமை காலத்தில் மார்க்கம் கற்றுத்தந்த பாதைக்குள் சென்றுவிட்டால், பின்னர் எக்காலமும் கவலை இல்லை.

"ஒழுக்கமுள்ளவனாக இரு. மக்களில் நீயே சிறந்தவன்.

போதுமென்ற மனப்பான்மை உள்ளவனாக இரு. மக்களில் நீயே நன்றியுள்ளவன்.

உனக்காக எதை விரும்புகிறாயோ அதையே மற்றவர்களுக்கும் விரும்பு. நீயே உண்மையான முஸ்லிம்,''

என்கிறார் அண்ணல் நபிகளார்.

இளமையில் கடைபிடிக்கப்படும் ஒழுக்கம் காலம் முழுவதும் நீடிக்கும்.

இளமையிலேயே அல்லாஹ்வின் அன்புக்கு பாத்திரமாகி விட்டால், எதற்கும் கலங்கத் தேவையில்லை.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

பரங்கிப்பேட்டை அருகே பயங்கர தீ விபத்து - கலெக்டர் நிவாரணம்

2007-09-27T09:38:00.002+04:00

பரங்கிப்பேட்டை அருகே பயங்கர தீ விபத்து

தீ விபத்தில் வீடுகளை இழந்தவர்களுக்கு கலெக்டர் ராஜேந்திர ரத்னு நிவாரணம்

பரங்கிப்பேட்டை அருகே சுனாமி தற்காலிக குடியிருப்புகள் எரிந்து பாதித்த 57 குடும்பங்களுக்கு கலெக்டர் ராஜேந்திர ரத்னு நிவாரண உதவிகள் வழங்கினார்.

சுனாமியால் பாதித்த கரிக்குப்பம் கிராமத்தை சேர்ந்த இருளர் இன மக்களுக்கு பாரதி நகரில் பாரதி தொண்டு நிறுவனம் சார்பில் 57 தற்காலிக குடியிருப்புகள் கட்டிக் கொடுக்கப்பட்டன.

இந்த குடியிருப்புகள் நேற்று முன்தினம் மாலை தீப்பிடித்து எரிந்தன.

காற்று பலமாக வீசியதால் 57 வீடுகளும் தீப்பிடித்து சாம்பலாகின.

தீ விபத்தால் பாதித்தவர்களை சி. புதுப்பேட்டை ஊராட்சி மன்ற தலைவர் சீத்தாலட்சுமி அங்குள்ள சமுதாய கூடத்தில் தங்கவைத்து உணவு வழங்கினார்.

தீ விபத்தில் பாதித்த மக்களுக்கு பு. முட்லூர் ஆரம்ப சுகாதார நிலைய டாக்டர் வசந்தா, டாக்டர்கள் ஷகிலா பேகம், சுஜாதா ஆகியோர் சிகிச்சையளித்தனர்.

கலெக்டர் ராஜேந்திர ரத்னு தீ விபத்தில் பாதித்தவர்களை சந்தித்து ஆறுதல் கூறி 57 குடும்பங்களுக்கு தலா ரூ 2 ஆயிரம், 5 கிலோ அரிசி, ஒரு லிட்டர் மண்ணெண்ணை, வேட்டி சேலை வழங்கினார்.

அவருடன் ஏ.எஸ்.பி., செந்தில் வேலன், ஆர்.டி.ஓ., குழந்தைவேலு, தாசில்தார் பட்டுசாமி, பரங்கிப்பேட்டை ஊராட்சி ஒன்றிய ஆணையாளர் நடராஜன், துணை தாசில்தார் சந்திரசேகரன், வருவாய் ஆய்வாளர் சரவணன், சி. புதுப்பேட்டை ஊராட்சி மன்ற தலைவர் சீத்தாலட்சுமி ஆகியோர் உடன் சென்றனர்.

பரங்கிப்பேட்டை அருகே மனைவியை தாக்கிய கணவன் கைது

2007-09-27T09:38:00.001+04:00

பெண் குழந்தை பிறந்த ஆத்திரத்தில் மனைவியை தாக்கிய கணவர் கைது

பரங்கிப்பேட்டை அருகே பெண் குழந்தை பிறந்த ஆத்திரத்தில் மனைவியை தாக்கிய கணவன் உட்பட 2 பேரை போலீசார் கைது செய்தனர்.

புதுக்கோட்டை மாவட்டம் அதிராம்பட்டினம் பகுதியை சேர்ந்தவர் பாதம்பிரியாள் (20).

இவர் கடந்த இரண்டு ஆண்டுகளுக்கு முன்பு பரங்கிப்பேட்டை ஆரியநாட்டு கிழக்கு தெருவில் உள்ள உறவினர் வீட்டிற்கு வந்து தங்கியுள்ளார்.

அப்போது இவருக்கும் அதே பகுதியை சேர்ந்த கண்ணன் என்பவருக்கும் பழக்கம் ஏற்பட்டு காதலித்து திருமணம் செய்து கொண்டனர்.

திருமணத்திற்கு பிறகு கண்ணனும், பாதம்பிரியாளும் தனியாக குடும்பம் நடத்தி வருகின்றனர்.

இந்நிலையில் நேற்று முன் தினம் பாதம்பிரியாளுக்கு பரங்கிப்பேட்டை அரசு மருத்துவமனையில் பெண் குழந்தை பிறந்துள்ளது.

இதனால் ஆத்திரமடைந்த கண்ணன் மருத்துவமனைக்கு சென்று பாதம்பிரியாளை தகாத வார்த்தைகளால் திட்டியுள்ளார்.

நேற்று வீட்டிற்கு சென்ற பாதம்பிரியாளை கண்ணன் மற்றும் அவரது அக்கா கணவர் செல்வ முருகன் ஆகியோர் தகராறு செய்து தாக்கினர்.

இது குறித்த புகாரின் பேரில் பரங்கிப்பேட்டை போலீஸ் சப் இன்ஸ்பெக்டர் திருவேங்கடம், ஏட்டு ராதா ஆகியோர் வழக்கு பதிந்து கண்ணன் (25), அவரது சகோதரியின் கணவர் செல்வமுருகன் (29) ஆகியோரை கைது செய்தனர்.

ரமலான் சிந்தனைகள் - 14

2007-09-27T09:38:00.000+04:00

ரமலான் சிந்தனைகள் - 14

கெட்ட பழக்கங்களை விடுவோமே!

இன்றைய உலகச் சூழலில் கெட்ட பழக்கங்களுக்கு இளைஞர்கள் மிக எளிதாக அடிபணிந்து விடுகிறார்கள்.

சிலர் நோன்பு காலத்தில் கூட இவ் வழக்கங்களை மேற்கொள்வதைப் பார்த்தால், மனம் படாதபாடு படுகிறது.

இந்த வழக்கங்களுக்கு முற்றுப்புள்ளி வைக்க வேண்டும் என்பதே இன்றைய ரமலான் சிந்தனை.

கெட்ட வழக்கங்கள் குறித்து குர்ஆன் வசனம் 2:195ல்,

"உங்களை நீங்களே அழிவில் ஆழ்த்திக் கொள்ளாதீர்கள்,'' என்றும்,

வசனம் 4:29ல், "உங்களை நீங்களே கொலை செய்ய வேண்டாம்,'' என்றும்

தற்கொலைக்குச் சமமாகச் சுட்டிக்காட்டுகின்றன.

மார்க்கத்துக்கு கட்டுப்பட்டு வாழும் நிஜமான முஸ்லிம் இத்தகைய கெட்ட வழக்கங்களை அனுமதிக்கமாட்டார்.

குறிப்பாக, கெட்ட வழக்கங்கள் உடலுக்கு மட்டுமல்ல, பணத்துக்கும் கேடு என்கிறது குர்ஆன்.

வசனம் 6:141, "நீங்கள் வீண் விரயம் செய்யாதீர்கள். நிச்சயமாக வீண் விரயம் செய்வோரை அல்லாஹ் நேசிப்பதில்லை,'' என்றும்,

வசனம் 17:26, "நிச்சயமாக வீண்விரயம் செய்வோர் ஷைத்தானின் சகோதரர்களாவர்,'' என்றும் சொல்கிறது.

கெட்ட வழிக்கு செலவிடும் காசை நீங்கள் தர்மம் செய்யுங்கள். இல்லாவிட்டால், அல்லாஹ் மரணத்திற்குப் பின் உங்களை மூன்று கேள்விகள் கேட்பான்.

"பணத்தை எவ்வாறு சம்பாதித்தாய்?

எவ்வழியில் அதனைச் செலவு செய்தாய்?

உனது உடம்பை எதில் அழித்தாய்?''

என்பதே அந்த மூன்று கேள்விகள்.

இதற்கு நாம் பதில் சொல்லியே ஆக வேண்டும்.

அப்போது, நமது தவறுகளெல்லாம் வெளிப்பட்டு, இறைவனின் முன்னிலையில் தலைகுனிந்து நிற்க வேண்டியிருக்கும்.

எனவே, நோன்பு காலத்தில் கெட்ட வழக்கங்களை கைவிட உறுதியெடுங்கள்.

நோன்பு முடிந்த பிறகு மீண்டும் அதைப் பிடித்துக் கொள்ளாதீர்கள்.

உடலைக் கெடுக்கும் பழக்கங்களுக்கு ஆகும் செலவை, ஏழைகளின் கல்வி, மருத்துவச் செலவுக்கு உதவுங்கள்.

அது நம்மை அல்லாஹ்வின் அருகில் கொண்டு சேர்க்கும்.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

ரமலான் சிந்தனைகள் - 13

2007-09-26T13:14:00.001+04:00

ரமலான் சிந்தனைகள் - 13

இறைவன் தரும் சான்றிதழ்

ரம்ஜான் மாதத்தில் நோன்பு நோற்கிறோமே...அந்த மாதத்தின் சிறப்புகள் தான் என்ன? நபிகள் நாயகத்திடமே கேட்போம்.

"ரமலான் மாதம் வந்துவிட்டால் வானங்களின் கதவுகளும், சொர்க்கத்தின் கதவுகளும் திறக்கப்படுகின்றன.

நரகத்தின் வாசல்கள் அடைக்கப்படுகின்றன.

ஷைத்தான்களுக்கெல்லாம் விலங்கிடப்படுகின்றன.

சொர்க்கத்தில் எட்டு வாசல்கள் உள்ளன. அதில் ஒன்று ரய்யான். அந்த வாசல் வழியாக நோன்பாளிகளைத் தவிர வேறு யாரும் நுழைய மாட்டார்கள்.

யார் ரமலான் மாதத்தில் ஈமானுடனும் (நம்பிக்கை), நன்மையை எதிர்பார்த்தும் நோன்பு நோற்கிறாரோ, இன்னும் 'லைலத்துல் கத்ர்' இரவிலும் நின்று வணங்குகிறாரோ அவருடைய முன்செய்த சிறிய பாவங்கள் மன்னிக்கப்படுகின்றன.

ஆதமுடைய (உலகில் முதல் மனிதர்) மக்களில் ஒவ்வொரு நல் அமலுக்கும் நோன்பைத் தவிர, பத்திலிருந்து எழுநூறு நன்மைகள் வரை கொடுக்கப்படுகிறது.

நோன்புப் பெருநாள், ஹஜ்ஜூப் பெருநாள் ஆகிய இரண்டு இரவுகளில், எவர் விழித்திருந்து தொழுகை புரிகின்றாரோ, அவருடைய உள்ளம் கியாம நாளிலே (வாழ்வின் இறுதிக்கட்டம்) விழிப்புடன் இருக்கும்,''

"நோன்பு எனக்குரியது. அதற்கு நானே கூலி கொடுப்பேன்.

ஏனென்றால், எனக்காகவும், என் திருப்திக்காகவும் பசித்திருந்தான். தன் இச்சைகளை அடக்கியிருந்தான்.

மேலும், நோன்பு திறக்கும்போதும் (முடியும் நேரம்), தன் இறைவனை சந்திக்கும் போதும் நோன்பாளிக்கு இருவகை சந்தோஷம் உள்ளது,'' என்கிறான் அல்லாஹ்.

இறைவனே இப்படி நமக்கு சான்றிதழ் தரும் போது, நோன்பை எந்தளவுக்கு முறையாகவும், கடுமையாகவும் நோற்க வேண்டும் என்பதே இன்றைய சிந்தனை.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

பரங்கிப்பேட்டை அருகே பயங்கர தீ விபத்து

2007-09-26T13:14:00.000+04:00

பரங்கிப்பேட்டை அருகே பயங்கர தீ விபத்து
57 சுனாமி குடியிருப்பு வீடுகள் எரிந்து சாம்பல்
ரூ.20 லட்சம் மதிப்புள்ள பொருட்கள் சேதம்
பொதுமக்கள் வீதியில் நின்று தவித்தனர்

பரங்கிப்பேட்டை அருகே நடந்த பயங்கர தீவிபத்தில் 57 சுனாமி குடியிருப்பு வீடுகள் எரிந்து சாம்பலானது. இதில் ரூ. 20 லட்சம் மதிப்புள்ள பொருட்கள் சேதமடைந்தது. வீடுகள் இல்லாததால் பொது மக்கள் வீதியில் நின்று தவித்தனர்.

சுனாமி குடியிருப்பு வீடுகள்

கடலூர் மாவட்டம் பரங்கிப்பேட்டை அருகே உள்ள கரிக்குப்பம் பாரதி நகரில் 57 சுனாமி குடியிருப்பு வீடுகள் இருந்தது. அந்த குடியிருப்பு வீடு ஒன்றில் சுந்தரம் என்பவர் வசித்து வந்தார். அந்த வீடு கீற்றுக் கொட்டகையால் அமைக்கப் பட்டிருந்தது.

நேற்று மாலை சுந்தரத்தின் மனைவி சமையல் செய்து விட்டு அடுப்பில் உள்ள தீயை அணைக்காமல் சென்று விட்டார். சற்று நேரத்தில் அந்த அடுப்பில் உள்ள தீ எதிர்பாராதவிதமாக வீட்டின் கீற்றுக்கொட்டகையில் பிடித்தது. சற்று நேரத்தில் தீ மள மளவென பிடித்து எரிய ஆரம்பித்தது. வீட்டில் இருந்த சுந்தரம், அவருடைய மனைவி ஆகியோர் வீட்டில் இருந்து வெளியேறி தீயை அணைக்க முயற்சி செய்தனர்.

57 வீடுகள்

அதற்குள் பக்கத்து வீடுகளான சின்னையன், ராஜேந்திரன், வீரமணி, நாகப்பன், மாரியப்பன், சீனு, தாஸ், கண்ணுசாமி, முருகன், தங்கவேல், அன்புமணி, சாமிநாதன் உள்பட 57 பேர் வீட்டுக்கும் தீ பரவி கொளுந்து விட்டு எரிந்தது. இதனால் 57 வீடுகளில் இருந்தும் பொதுமக்கள் வெளியேறி தண்ணீர் ஊற்றி தீயை அணைக்க முயற்சி செய்தனர். ஆனால் அவர்களால் தீயை அணைக்க முடியவில்லை.

இது பற்றி அப்பகுதி மக்கள் பரங்கிப்பேட்டை தீயணைப்பு நிலையத்துக்கு தகவல் தெரிவித்தனர். அதன்பேரில் கடலூர் மண்டல தீயணைப்பு அதிகாரி கண்ணன், சிதம்பரம் தீயணைப்பு நிலைய அலுவலர் முகமது சாதிக் அலி மற்றும் தீயணைப்பு வீரர்கள் விரைந்து வந்து தீயை அணைந்தனர்.

ரூ. 20 லட்சம் சேதம்

அதற்குள் 57 வீடுகளும் எரிந்து சாம்பலானது. இந்த தீ விபத்தில் 57 வீடுகளில் இருந்த கட்டில், பீரோ, துணிமணிகள், அரிசி, ரொக்கப்பணம் மற்றும் அனைத்து பொருட்களும் தீயில் கருதி சேதமானது.இதன் மதிப்பு ரூ.20 லட்சம் ஆகும்.

இந்த தீ விபத்தினால் வீட்டில் இருந்து எந்த பொருட்களையும் எடுக்க முடியவில்லை. இதனால் 57 வீடுகளில் உள்ளவர்களும் தங்கள் மனைவி, குழந்தைகளுடன் தங்க வீடு இல்லாமல் தெருவில் நின்று தவித்தனர்.

தாசில்தார் பார்வையிட்டார்

இது பற்றி தகவல் அறிந்த சிதம்பரம் தாசில்தார் பட்டு சாமி, துணை தாசில்தார் சந்திரசேகரன், ஆணையாளர் நடராஜன், பேரூராட்சி தலைவர் முகமது யூனுஸ், சின்னூர் ஊராட்சி மன்ற தலைவர் சீத்தாலட்சுமி ஜீவராஜ் மற்றும் வருவாய் துறை அதிகாரிகள் சம்பவ இடத்துக்கு சென்றனர்.

பின்னர் தீவிபத்தில் வீடுகளை இழந்தவர்களுக்கு ஆறுதல் கூறி, அவர்கள் தங்குவதற்கு ஏற்பாடு செய்தனர். அதனை தொடர்ந்து அனைவரும் அங்குள்ள விடியல் நகர், விடுதலை நகரில் உள்ள சமுதாய கூடங்களில் தங்கவைக்கப்பட்டனர்.

இந்த தீ விபத்து சம்பவத்தால் பரங்கிப்பேட்டையில் பெரும் பரபரப்பு ஏற்பட்டது.

பரங்கிப்பேட்டை மீனவர்கள் ஏமாற்றம்

2007-09-25T10:20:00.000+04:00

பரங்கிப்பேட்டை மீனவர்கள் கடலில் மீன் கிடைக்காமல் ஏமாற்றத்துடன் திரும்பி வந்தனர்

படகுகள் கரையோரம் நிறுத்தி வைப்பு

பரங்கிப்பேட்டை மீனவர்கள் கடலில் மீன் கிடைக்காமல் திரும்பி வந்தனர். படகுகளை கரையோரம் நிறுத்தி வைத்தனர்.

மீனவர்கள் தவிப்பு

கடலூர் மாவட்டம் பரங்கிப்பேட்டை மற்றும் சாமியார் பேட்டை, கிள்ளை கடற்கரையோரத்தில் சுமார் 30-க்கும் மேற்பட்ட மீனவ கிராமங்கள் உள்ளது.

இந்த கிராமங்களில் சுமார் 20 ஆயிரத்துக்கும் மேற்பட்ட மீனவர்கள் வசித்து வருகின்றனர்.

அவர்கள் அனைவரும் மீன்பிடி தொழிலையே நம்பி வாழ்ந்து வருகின்றனர்.

கடந்த 6 மாதமாக கடற்கரை முகத்துவாரம் மணலால் மூடப்பட்டதால் படகுகளை கடலுக்கு கொண்டு செல்ல முடியாமல் மீனவர்கள் தவித்து வந்தனர்.

அவர்களால் மீன் பிடிக்க செல்ல முடிய வில்லை.

படகுகள் நிறுத்தம்

பின்னர் கடல் முகத்துவாரம் படகு செல்லும் அளவுக்கு தூர்வாரபட்டது.

கடந்த 2 நாளாக பரங்கிப்பேட்டை கடலில் மீன் கிடைக்கவில்லை என்று மீனவர்கள் புலம்பி வந்தனர்.

நேற்று காலையும் மீனவர்கள் மீன்பிடிப்பதற்காக கடலுக்கு சென்றனர்.

ஆனால் மீன் ஏதும் அவர்கள் வலையில் சிக்கவில்லை.

இதனால் கடலுக்கு சென்ற அனைத்து மீனவர்களும் மீன் பிடிக்காமல் திரும்பிவந்தனர்.

அதன் பிறகு படகுகளை கடற் கரையோரம் நிறுத்தி விட்டனர்.

இதுபற்றி மீனவர் ஒருவர் கூறியதாவது:-

சுமார் 20 கிலோ மீட்டர் தூரம் கடலுக்கு சென்று மீன்பிடிக்க செல்கிறோம்.

ஆனால் தற்போது மீன்கள் எதுவும் கிடைக்கவில்லை.

நாங்கள் படகுக்கு செலவு செய்யும் டீசல் செலவுதான் வீண் ஆகிறது.

இதனால் தினந்தோறும் நாங்கள் பாதிக் கப்பட்டு வருகிறோம்.

கடந்த 6 மாதமாக எங்களுக்கு சரியான வருமானம் இல்லை.

இவ்வாறு அவர் கூறினார்.

மீன்கள் கிடைக்காததால் மீன் ஏலம் விடும் தளம் வெறிச்சோடி கிடந்தது.

மீன் வாங்க வந்த வியாபாரிகளும் திரும்பி சென்றனர்.

இஸ்லாமியர்களுக்கு தனி இட ஒதுக்கீடு தடைவிதிக்க உச்ச நீதி மன்றம் மறுப்பு

2007-09-24T22:46:00.000+04:00

ஆந்திர மாநில அரசுப் பணிகளிலும், அரசு கல்விக் கூடங்களில் முஸ்லிம்களுக்கு தனியாக 4 விழுக்காடு இட ஒதுக்கீடு அளித்து அம்மாநில அரசு பிறப்பித்த பிரகடனத்திற்கு தடை விதிக்க உச்ச நீதிமன்றம் மறுத்துவிட்டது.

முஸ்லிம்களுக்கு மத அடிப்படையில் இட ஒதுக்கீடு அளிக்க அரசமைப்புச் சட்டத்தில் இடமில்லை. எனவே கடந்த ஜூலை 15ஆம் தேதி ஆந்திர அரசு பிறப்பித்த பிரகடனத்தை செல்லாது என்று அறிவிக்க வேண்டும் என்று கோரி டி.ஆர். முரளிதர் ராவ் என்பவர் தாக்கல் செய்த வழக்கை விசாரித்த உச்ச நீதிமன்ற தலைமை நீதிபதி கே.ஜி. பாலகிருஷ்ணன், நீதிபதிகள் ஆர்.வி. ரவீந்திரன், வி.எஸ். சிர்புர்கார் ஆகியோர் கொண்ட நீதிமன்ற அமர்வு, இவ்வழக்கு மீதான விசாரணை முடியும் வரை ஆந்திர அரசின் உத்தரவிற்கு இடைக்காலத் தடை விதிக்க வேண்டும் என்ற கோரிக்கையை நிராகரித்தனர்.
மனுதாரரின் கேள்விக்கு இம்மாதம் 28ஆம் தேதிக்குள் பதில் மனு தாக்கல் செய்யுமாறு ஆந்திர அரசுக்கு நீதிமன்ற அமர்வு உத்தரவிட்டது.

ரமலான் சிந்தனைகள் - 11

2007-09-24T14:14:00.002+04:00

ரமலான் சிந்தனைகள் - 11

தயாள குணத்தை வளர்ப்போம்

ரம்ஜான் நோன்பு நோற்கும் போது, காலை முதல் மாலை வரை பிரச்னையில்லை.

ஏதும் சாப்பிடாமல் இருந்து விடலாம். ஆனால், மாலையில் நோன்பு திறக்கும் (முடியும்) நேரத்தில், ஏதேனும் சாப்பிட வேண்டுமல்லவா!

சாப்பிட வழியில்லாத ஏழை ஜனங்களுக்கு நோன்புக் கஞ்சியோ, ரொட்டியோ ஏதோ ஒன்று கொடுக்க வேண்டுமல்லவா!

இந்த தர்ம சிந்தனையை, நாம் யாரிடமிருந்து கற்றுக் கொள்ள வேண்டுமென்றால், நாயகத்தின் அருமைத் துணைவியார், ஆயிஷா அம்மையாரிடம் இருந்துதான்.

அரபு நாட்டில், ஹஸ்ரத் முஆவியா என்பவர் கலீபாவாக (மன்னர்) இருந்தார்.

அவர் ஒரு ரம்ஜான் மாதத்தில், இரண்டு லட்சம் வெள்ளிக்காசுகளை ஆயிஷா அம்மையாருக்கு அன்பளிப்பாக அனுப்பி வைத்தார்.

அம்மையார் அதை ஒரே நாளில் ஏழைகளுக்கு தானம் செய்து விட்டார்.

அப்போது பணிப்பெண் வந்தாள். "அம்மா! இன்று மாலை நோன்பு திறக்கும் நேரத்தில் சாப்பிட ஏதுமில்லை,'' என்றாள்.

அம்மையார் அவளிடம், "அதுபற்றி நீ கவலைப்படாதே,'' எனச் சொல்லி விட்டார்.

ஒருநாள், நோன்பு திறந்த பிறகு, தனக்காக சாப்பிட வைத்திருந்த இரண்டு ரொட்டிகளை, ஒரு பிச்சைக்காரர் வந்து கேட்க அவரிடம் கொடுத்து விட்டார்.

இப்படியெல்லாம் தானம் செய்யும் போது, அவர் ஆடம்பர உடை அணிந்திருக்கவில்லை. நகைகளைப் பூட்டிக் கொண்டிருக்கவில்லை. ஒட்டுத்துணி போட்டு தைத்திருந்த கிழிந்த அங்கியை அணிந்திருந்தார்.

எவ்வளவு பெரிய தயாள உள்ளம் பாருங்கள்!

ஒருமுறை ஒரு பெண்மணி, தன் இரண்டு குழந்தைகளுடன் பசி தாளாமல் ஆயிஷா அம்மையாரிடம் வந்தாள். அப்போது அம்மையாரிடம் இரண்டே இரண்டு பேரீச்சம்பழங்கள்தான் இருந்தன. அதை அவளிடம் கொடுத்தார்.

அந்தப் பெண் அவற்றை பசியுடன் நின்ற தன் குழந்தைகளுக்கு கொடுத்து, அவர்கள் சாப்பிடுவதைப் பார்த்து மகிழ்ச்சியடைந்தாள்.

அம்மையாரைப் போல, தனக்கே இல்லாத நிலையிலும், தர்மம் செய்யும் தயாள குணத்தை வளர்த்துக் கொள்ள வேண்டும் என்பதே இன்றைய ரம்ஜான் சிந்தனை.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

பரங்கிப்பேட்டை அருகே பேரூராட்சிகளின் இயக்குனர் ஆய்வு

2007-09-24T14:14:00.001+04:00

கிள்ளையில் வளர்ச்சி பணிகளை பேரூராட்சிகளின் இயக்குனர் ஆய்வு

பரங்கிப்பேட்டை :

கிள்ளையில் சுனாமியால் பாதிக்கப்பட்ட பகுதிகளில் நடக்கும் வளர்ச்சி பணிகளை பேரூராட்சிகளின் இயக்குனர் கோபால் ஆய்வு செய்தார்.

கடந்த சுனாமியின் போது கடுமையாக பாதித்த கிள்ளை பகுதிகளில் அரசு சார்பில் பல வளர்ச்சி பணிகள் நடந்து வருகிறது. இப்பணிகளை பேரூராட்சிகளின் இயக்குனர் கோபால் பார்வையிட்டு ஆய்வு செய்தார்.

அவருடன் பேரூராட்சி மன்ற தலைவர் ரவிச்சந்திரன், பேரூராட்சி துணை இயக்குனர் திருவேங்கடம், செயல் அலுவலர் ஜோதிமாணிக்கம், துணை தலைவர் பரமதயாளன், கற்பனைசெல்வம், ரவிச்சந்திரன், சங்கர் உட்பட பலர் உடன் சென்றனர்.

ரமலான் சிந்தனைகள் - 10

2007-09-24T14:14:00.000+04:00

ரமலான் சிந்தனைகள் - 10

வரவுக்கேற்ற செலவு செய்வோம்

பக்கத்து வீடுகளில் என்னென்ன பொருட்கள் இருக்கிறதோ, அவையனைத்தும் எனக்கும் வேண்டும் என்று கணவரிடம் அடம் பிடிக்கும் பெண்கள் ஒரு சாரார் இருக்கிறார்கள். இவர்கள், பணிக்குச் சென்று விட்டுத் திரும்பும் கணவனை நிம்மதியாகவே இருக்க விடுவதில்லை.

நபிகள் நாயகத்துக்கே இப்படி ஒரு நிலைமை அவரது மனைவியர் மூலம் ஏற்பட்டது என்றால் ஆச்சரியமாக இருக்கிறதல்லவா?

ஒருமுறை, நாயகத்தின் மனைவியர் ஒன்று கூடி, "இறைத்தூதரே! தாங்கள் எங்களுக்குச் செலவுக்காக வழங்கும் பொருள் போதாது. இனிமேல், செலவுத் தொகையை அதிகமாக்கித் தர வேண்டும்,'' என்றனர்.

இருப்பதைத்தானே நாயகம் அவர்களுக்கு கொடுக்க முடியும்!

அவர் மனம் நொந்து போனார்.

மனைவியரிடம் அவர் பேசவில்லை.

வீட்டை விட்டு வெளியேறிய அவர், பள்ளிவாசலிலேயே 28 நாட்கள் தங்கிவிட்டார்.

ஒருநாள், இறைவனின் தூதுவரான ஜிப்ரீல் (அலை) அவர்கள், ஒரு வேத வசனத்துடன் இறங்கி வந்தார்கள்.

"நபியே! உங்களுடைய மனைவிகளை நோக்கிக் கூறுங்கள். நீங்களெல்லாம் இந்த உலக வாழ்வையும் அதன் அலங்காரத்தையும் மட்டுமே விரும்புவோராயின், வாருங்கள்... உங்களின் வாழ்க்கைக்கு உரியதைக் கொடுத்து நல்ல முறையில் உங்களை விடுவித்துக் கொள்கிறேன்.

மேலும், நீங்கள் அல்லாஹ்வின் தூதரையும் (தன்னையும்) மறுமையின் வீட்டையும் விரும்புவோராயின், நிச்சயமாக அல்லாஹ் உங்களிலுள்ள நன்மையை நாடுவோர்க்கு மகத்தான கூலியைத் தயாராக்கி வைத்துள்ளான்,'' என்பதே அந்த வசனம்.

அதாவது, ஆடம்பர வாழ்வுக்கு ஆசைப்பட்டு, நான் தருவதற்கு மேல் செலவழிக்க நினைப்பவர்கள் என்னை விட்டு பிரிந்து கொள்ளலாம் என்ற ரீதியில் இந்த வசனம் அமைந்தது.

நாயகம் வீட்டுக்குச் சென்றார்.

தன் மனைவி ஆயிஷாவை அழைத்து, இந்த வசனத்தை ஓதிக்காட்டினார்.

அந்த அம்மையார், அதை மற்றவர்களிடம் சொல்ல, அல்லாஹ் மூலம் விடுக்கப்பட்ட அந்த எச்சரிக்கையைக் கேட்டு அவர்கள் திடுக்கிட்டனர்.

எல்லோரும், தங்கள் செய்கைக்காக நாயகத்திடம் மன்னிப்பு கேட்டனர்.

அடுத்தவர்கள் அணியும் நகை, ஆடை, உபயோகிக்கும் பொருட்களைப் பார்த்துவிட்டு, தனக்கும் அதுபோல் வேண்டும் என கேட்கும் பெண்கள், இறைவனின் இந்த எச்சரிக்கைக்கு அஞ்சி நடக்க வேண்டும் என்பதே இன்றைய ரம்ஜான் சிந்தனை.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

பரங்கிப்பேட்டையில் கண்டன ஆர்ப்பாட்டம்

2007-09-24T10:15:00.000+04:00

கருணாநிதிக்கு கொலை மிரட்டல் எதிரொலி

பரங்கிப்பேட்டையில் கண்டன ஆர்ப்பாட்டம்

பரங்கிப்பேட்டை ஒன்றிய தி.மு.க. சார்பில் கண்டன ஆர்ப்பாட்டம் நடந்தது.

ஆர்ப்பாட்டத்துக்கு ஒன்றியக்குழு தலைவர் முத்து. பெருமாள் தலைமை தாங்கினார்.

நகர செயலாளர் பாண்டியன், பேரூராட்சி மன்ற தலைவர் முகமது யூனுஸ், மாவட்ட கவுன்சிலர் நல்லதம்பி, மாவட்ட தி.மு.க., பிரதிநிதி காண்டீபன், துணை தலைவர் செழியன், கவுன்சிலர்கள் பாவாஜான், ராமலிங்கம், முனவர் உசேன் ஒன்றிய கவுன்சிலர் ராஜாராமன், கலையரசன் உள்பட பலர் கலந்துகொண்டனர்.

ஆர்ப்பாட்டத்தில் முன்னாள் எம்.பி. வேதாந்தியின் உருவ பொம்மை தீவைத்து எரிக்கப்பட்டது.

ரமலான் சிந்தனைகள் - 9

2007-09-22T11:06:00.001+04:00

ரமலான் சிந்தனைகள் - 9

சொல்வன்மை வேண்டும்

ஒரு விஷயத்தைச் சொல்லும் போது தெளிவாகவும், கருத்தாழம் மிக்கதாகவும், ஈர்க்கும் வகையிலும் சொல்ல வேண்டும்.

படித்தவர், பாமரர் ஆகிய இருதரப்பாருக்கும் அது புரிய வேண்டும்.

நாயகத்தின் வாழ்வில் நடந்த இந்த இனிய சம்பவமே இன்றைய ரம்ஜான் சிந்தனை.

இஸ்லாத்தை நபிகள் நாயகம் அரபுநாட்டில் பிரசாரம் செய்து வரும் வேளையில், ஏமன் மாகாணத்தை சேர்ந்த ஒரு கோத்திரத்தின் தலைவரான, அம்ரு அலி தவ்ஸி என்பவர், மெக்கா வந்தார்.

அவரிடம், நபிகளின் எதிர்ப்பாளர்களான குறைஷி இனத்தவர், நாயகத்தின் போதனைகளைப் பற்றியும், புதிய மார்க்கத்தைப் பற்றியும் இல்லாததும் பொல்லாததுமாக கூறி, நாயகத்தின் மீது வெறுப்பு ஏற்பட வைத்து விட்டனர்.

குறைஷி இனத்தலைவர் ஒருவர், "அம்ரு அவர்களே! தாங்கள், நாயகத்தின் போதனைகளைக் கேட்கவே கூடாது. அதற்கு உறுதி தாருங்கள்,'' என்றார்.

அம்ருவும், தன் காதில் பஞ்சை வைத்துக் கொள்வதாக உறுதி கூறி, கையில் சிறிது பஞ்சையும் வைத்துக் கொண்டார்.

பின்னர் அவர் கஃபாவுக்குச் சென்றார்.

அங்கே, நாயகம் தொழுது கொண்டிருந்தார்.

அவர் கூறிய இறை வசனங்கள் காற்றில் மிதந்து வந்தன. அவை அம்ருவின் காதுகளில் தேனாகப் பாய்ந்தன.

நாயகம் கூறிய திருவசனங்களின் சொல்லழகு, நடையழகு, இனிய குரல், தெளிவான உச்சரிப்பு ஆகியவை அம்ருவை ஈர்த்தன.

அவர் கையில் இருந்த பஞ்சு தானாக கீழே விழுந்து விட்டது.

அவர் செயலற்று நின்றுவிட்டார்.

நாயகம் தொழுகையை முடித்துக் கொண்டு திரும்பும் போது, அம்ரு நிற்பதைக் கவனிக்கவில்லை.

அவர் வீட்டுக்குச் சென்று விட்டார்.

அம்ரு அவரது இல்லத்துக்கே சென்று,

"பெருமானாரே! நான் உங்கள் அடிமை, உங்கள் சீடன், நீங்கள் தான் என்னைக் காப்பாற்றியருள வேண்டும்,'' என்றார்.

நபிகளார் அவரை வீட்டுக்குள் அழைத்துச் சென்று உபசரித்து, இஸ்லாத்தின் கருத்துக்களைப் போதித்தார்.

அம்ரு இஸ்லாத்தை ஏற்றுக்கொண்டார்.

சண்டை போட வேண்டும் என வந்தவரை, சமாதானமாகப் போகச் செய்த சொல்வன்மைக்குச் சொந்தக்காரர் நபிகள் நாயகம்.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

ரமலான் சிந்தனைகள் - 8

2007-09-22T11:06:00.000+04:00

ரமலான் சிந்தனைகள் - 8

நேர்மையாக வாழ்வோம்

வாழ்க்கையில் நேர்மை மிகமிகத் தேவை.

ஒரு கடையில், ஒரு பொருளை வாங்கச் செல்கிறோம்.

கூட்டம் அதிகமாக இருக்கிறது.

நாம் பொருளை வாங்கியவுடன், அதற்குரிய பணத்தைச் செலுத்தி விட வேண்டும்.

கூட்டத்தைப் பயன்படுத்தி, பணம் கொடுக்காமல் ஏமாற்றி விட்டு வெளியே வர நினைக்கக்கூடாது.

ஒருவேளை, இந்த முயற்சியில் சிக்கிக்கொண்டால், அவமானப்படுவதுடன், வழக்கு.. விசாரணை என்று கூட போக நேர்ந்து விடலாம்.

நபிகள் நாயகத்தின் நேர்மையை வார்த்தைகளில் வடிக்க முடியாது.

ஒருமுறை அவர் மதீனா நகருக்கு வெளியே கூடாரம் கட்டி தங்கியிருந்த வியாபாரிகளிடம் சென்றார்.

அவர்கள் இளைப்பாறிக் கொண்டிருந்தனர்.

அங்கிருந்த சிவப்பு நிற ஒட்டகத்தை நாயகத்துக்குப் பிடித்து விட்டது.

அதை வாங்க எண்ணி விலை கேட்டார்.

அவர்கள் விலையைச் சொன்னதும், அதன் மூக்கணாங்கயிற்றைப் பிடித்துக் கொண்டு நடக்க ஆரம்பித்தார்.

"இவர் என்ன பணம் தராமல் செல்கிறாரே!

இவர் யார் என்பதைக் கூட நாம் விசாரிக்கவில்லையே,''

என்று பேசிக்கொண்டிருந்த போது,

அவர்களுடன் வந்த ஒரு பெண்மணி,

"கவலையை விடுங்கள்! அந்த முகம் எவ்வளவு பிரகாசமாக இருக்கிறது தெரியுமா?

இப்படிப்பட்ட ஒருவரை இதற்கு முன் நாம் பார்த்ததே இல்லை.

இத்தகைய களங்கமற்ற முகத்தை உடையவர் நம்மை ஏமாற்ற மாட்டார்.

பணமோ அல்லது ஒட்டகத்தின் விலைக்கு ஈடான பொருளோ நிச்சயம் வந்து விடும்,'' என்றாள்.

அன்று மாலையே, அந்த ஒட்டகத்தின் விலைக்கு ஈடான பேரீச்சம் பழங்களையும், பிற உணவு வகைகளையும் நாயகம் அனுப்பி வைத்தார்.

நாயகத்துடன் பங்குதாரராக இருந்த சாயிப் என்ற வர்த்தகர் அவரைப் பற்றிச் சொல்லும் போது,

"நபிகள் நாயகம் என்னோடு வர்த்தகத்தில் பங்காளியாக இருந்திருக்கிறார். அவர் அதில் நடந்து கொண்ட முறை மிகவும் உன்னதமாகவும், குறை சொல்ல இடமற்றதாகவும் இருந்தது,'' என்றார்.

நேர்மையே பெருமை தரும் என்பதே இன்றைய ரமலான் சிந்தனை.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

பரங்கிப்பேட்டை அருகே வேலைக்கு சென்றவரை காணவில்லை

2007-09-20T11:40:00.004+04:00

இறால் குட்டை வேலைக்கு சென்ற கணவர் மாயம்

மனைவி போலீசில் புகார்

பரங்கிப்பேட்டை அருகே இறால் குட்டைக்கு வேலைக்கு சென்ற கணவரை கடந்த 7 மாதமாக காணவில்லை என மனைவி போலீசில் புகார் செய்துள்ளார்.

குறிஞ்சிப்பாடி அடுத்த பெரிய கண்ணாடி கிராமத்தை சேர்ந்தவர் ஜோதி (40). இவர் பரங்கிப்பேட்டை அடுத்த தீர்த்தாம்பாளையம் கிராமத்தில் உள்ள இறால் குட்டையில் வேலை செய்து வந்துள்ளார்.

தினமும் வேலை முடிந்து வீட்டிற்கு சென்றுவிடுவதாக கூறப்படுகிறது.

கடந்த பிப்ரவரி மாதம் 24ம் தேதி ஜோதி தனது வீட்டில் இருந்து தீர்த்தாம்பாளையத்தில் உள்ள இறால் குட்டைக்கு வேலைக்கு வந்துள்ளார். ஆனால் இதுவரை ஜோதி வீட்டிற்கு திரும்பி செல்லவில்லை. பல இடங்களில் தேடியும் அவர் கிடைக்கவில்லை.

இது குறித்து ஜோதியின் மனைவி லதா கொடுத்த புகாரின் பேரில் கிள்ளை போலீஸ் சப் இன்ஸ்பெக்டர் எத்திராஜ் வழக்கு பதிந்து ஜோதியை தேடிவருகிறார்.

தனியார் பஸ்களில் பரங்கிப்பேட்டை வழி என எழுத கலெக்டர் உத்தரவு

2007-09-20T11:40:00.003+04:00

கலெக்டர் உத்தரவுப்படி தனியார் பஸ்கள் செல்லும் வழித்தடம் மாற்றி எழுதினர்

மாவட்ட நிர்வாகத்தின் உத்தரவின் பேரில் பரங்கிப்பேட்டை வழியாக சிதம்பரம் மற்றும் சிதம்பரத்திலிருந்து பரங்கிப்பேட்டை வழியாக கடலூர் வரும் தனியார் பஸ்களில் பரங்கிப்பேட்டை வழி என எழுதப்பட்டது.

இது குறித்து கலெக்டரின் நேர்முக உதவியாளர் (வேளாண்மை) கணேசன் விடுத்துள்ள செய்திக் குறிப்பு:

கடலூரிலிருந்து பரங்கிப்பேட்டை வழியாக சிதம்பரம் செல்லும் தனியார் பஸ்களில் இதுவரை பரங்கிப்பேட்டை வழி என எழுதாமல் இருந்தது.

இதனால் பயணிகள் அவதிப்படுகின்றனர் என விஸ்வநாதன் உள்ளிட்ட பலர் விவசாயிகள் குறைகேட்புக் கூட்டத்தில் புகார் செய்தனர்.

அதனைத் தொடர்ந்து கலெக்டர் ராஜேந்திர ரத்னு பரங்கிப்பேட்டை வழியாக செல்லும் தனியார் பஸ்களில் இனி பரங்கிப்பேட்டை வழி என எழுதவேண்டும் என உத்தரவிட்டார்.

இதையடுத்து கடலூர் வட்டார போக்குவரத்து அலுவலர் ராதாகிருஷ்ணன் அறிவுரைப்படி பரங்கிப்பேட்டை வழியாக செல்லும் சாயிபாபா, என்.டி. (NT), சி.டி.பி. (CTP), ஸ்ரீபாலாஜி உள்ளிட்ட தனியார் பஸ்கள் வழி பரங்கிப்பேட்டை என தற்போது எழுதப்பட்டுள்ளன.

இவ்வாறு அந்த செய்திக்குறிப்பில் கூறப்பட்டுள்ளது.

பரங்கிப்பேட்டை அருகே தவறான மக்கள் தொகை கணக்கெடுப்பு

2007-09-20T11:40:00.002+04:00

தவறான மக்கள் தொகை கணக்கெடுப்பால் அரியகோஷ்டி ஊராட்சி மன்றம் ஸ்தம்பிப்பு

பரங்கிப்பேட்டை அருகே அரியகோஷ்டி ஊராட்சியில் குறைவான மக்கள் தொகை இருப்பதாக தவறான கணக்கெடுப்பு நடத்தியதால் அரசின் மானிய உதவி கூட போதுமான அளவு கிடைக்காமல் ஊராட்சியே முடங்கியுள்ளது.

பரங்கிப்பேட்டை ஒன்றியம் அரியகோஷ்டி ஊராட்சியில் 2ஆயிரத்து 882 பேர் உள்ளனர்.

ஆனால் ஊராட்சியில் கடந்த 2001ம் ஆண்டு மக்கள் தொகை 613 பேர் என அதிகாரிகள் தவறுதலாக கணக்கெடுத்துள்ளனர். அப்போதே வாக்காளர் பட்டியலில் ஆயிரத்து 565 பேர் இருந்தனர்.

அதிகாரிகளின் தவறான கணக்கெடுப்பால் 2006ம் ஆண்டு மாநில நிதிக் குழு மானியம் மக்கள் தொகைக்கு ஏற்ப கிடைக்காமல் ரூ.4 ஆயிரத்து 183 வழங்கப்படுகிறது.

இந்த தொகையில் மின்சார கட்டணம் ரூ. 3 ஆயிரத்து 137 பிடித்தம் போக ரூ. ஆயிரத்து 46 மட்டும் காசோலையாக கிடைக்கிறது.

இதில் ஊராட்சியில் பணிபுரியும் உதவியாளர் மாத ஊதியம் ரூ. ஆயிரத்து 163, மேல்நிலை நீர்தேக்க தொட்டி இயக்குபவர் ஊதியம் ரூ.600, கூடுதல் மோட்டார் ஒன்றுக்கு ரூ. 200, ஊராட்சி மன்ற தலைவர் நிரந்தர பயணப்படி ரூ.330, ஊராட்சியின் மாதாந்திர கூட்ட அமரும் படி ரூ.275 ஆக மொத்தம் ரூ.2 ஆயிரத்து 568 வழங்க வேண்டியுள்ளது.

ஊராட்சிக்கு வரவு ரூ. ஆயிரத்து 46 ஆகும். ஆனால் செலவு ரூ. 2 ஆயிரத்து 568 வரை ஆகிறது.

இதனால் தெரு விளக்குகள், குடிநீர் கைப்பம்புகள் மற்றும் மேல்நிலை நீர்தேக்க தொட்டி போன்றவற்றிக்கு உதிரி பாகங்கள் வாங்க முடிவில்லை.

அதனால் அதிகாரிகள் மீண்டும் சரியான மக்கள் தொகை கணக்கெடுப்பு எடுத்து பதிவு செய்ய வேண்டும்.

ஊராட்சிக்கு போதுமான நிதி உடனடியாக வழங்க வேண்டும் போன்ற கோரிக்கைகளை வலியுறுத்தி ஊராட்சி மன்ற தலைவர் கஸ்தூரி ராஜேந்திரன் கலெக்டர் மற்றும் துறை அதிகாரிகளுக்கு மனு அனுப்பியுள்ளார்.

பரங்கிப்பேட்டை அருகே உண்ணாவிரதம்

2007-09-20T11:40:00.001+04:00

சம்மந்தத்தில் இலவச கல்வியை பாதுகாக்கக்கோரி ஆரம்பப்பள்ளி ஆசிரியர் கூட்டணி உண்ணாவிரதம்

பரங்கிப்பேட்டை அருகே இலவச கல்வியை பாதுகாக்கக் கோரி தமிழக ஆரம்பப்பள்ளி ஆசிரியர் கூட்டணி சார்பில் உண்ணாவிரத போராட்டம் நடந்தது.

பரங்கிப்பேட்டை அடுத்த சம்மந்தம் உதவி தொடக்கக் கல்வி அலுவலகம் முன்பு தமிழக ஆரம்பப்பள்ளி ஆசிரியர் கூட்டணி சார்பில் இலவச கல்வியை பாதுகாக்ககோரியும், ஆசிரியர் மாணவர் விகிதத்தை 1:30 ஆக குறைக்க வேண்டும் என்பது உட்பட 32 அம்ச கோரிக்கைகளை நிறைவேற்றக்கோரியும் உண்ணாவிரத போராட்டம் நடந்தது.

போராட்டத்திற்கு வட்டார தலைவர் காந்தி தலைமை தாங்கினார். வட்டார பொருளாளர் பாலசுப்ரமணியன், மகளிரணி செயலாளர் ரேவதி ஆகியோர் முன்னிலை வகித்தனர். தச்சக்காடு நடுநிலைப் பள்ளி தலைமை ஆசிரியர் பசுபதி வரவேற்றார்.

பட்டினி போராட்டத்தை துவக்கி வைத்தார் மாநில பொதுச்செயலாளர் அப்துல் மஜித். செயலாளர் குப்புசாமி ஆகியோர் பேசினர். மாவட்ட செயலாளர் பஞ்சநாதன் உண்ணாவிரதத்தை முடித்து வைத்து பேசினார்.

முன்னாள் ஓய்வு பிரிவு செயலாளர் சிவப்பிரகாசம், பாண்டுரங்கன், முன்னாள் வட்டார தலைவர்கள் சுப்ரமணியன், ஏழுமலை, கலியபெருமாள், வாசு தேவன், குஞ்சிதம், நடன குஞ்சிதபாதம், சண்முகம் உட்பட பலர் கலந்து கொண்டனர். முருகன் நன்றி கூறினார்.

ரமலான் சிந்தனைகள் - 7

2007-09-20T11:40:00.000+04:00

ரமலான் சிந்தனைகள் - 7

பெற்றவர்களுக்கு சேவை செய்வோம்

'இந்த உலகில் நான் எத்தனை சோதனைகளை அனுபவிக்கிறேன். யா அல்லாஹ்! இதில் இருந்து எனக்கு விடுதலை கிடையாதா?' என்று கதறிக் கொண்டிருப்பவர்களில் பெரும்பகுதியினரின் வாழ்க்கை வரலாற்றை அலசினால், அவர்கள் பெற்றவர்களைக் கவனிக்காதவர்களாகத் தான் இருப்பார்கள்.

மரணத்துக்கு முன் தண்டனை அனுபவிப்பவர்களைப் பற்றி நபிகள் நாயகம் கூறும் போது,

"தாய் தந்தையர்க்கு துன்பம் செய்வதைத் தவிர மற்ற எல்லா பாவங்களுக்கும் அல்லாஹ் மன்னிப்பளிக்கின்றான். பெற்றோர்களுக்கு துன்பம் செய்தவனுக்கு மரணத்திற்கு முன் தண்டனை வழங்கி விடுகின்றான்,'' என்கிறார்.

குர்ஆனில் அல்லாஹ், "தாய் தந்தையரிடம் கருணையோடும், கனிவோடும் பழகுங்கள். அவர்கள் தான் உங்களை அறியாப்பருவத்தில் வளர்த்துப் போஷித்தவர்கள்,'' என்று அழகாகச் சொல்கிறான்.

ஒருமுறை நாயகத்திடம் ஒருவர் வந்து, "அண்ணலாரே! பாவம் ஒன்றைச் செய்து விட்டேன். அதில் இருந்து மீள வழியிருக்கிறதா?'' என்றார்.

அண்ணலார் அவரிடம், "உமக்கு தாய் இருக்கிறாரா?'' என்றதும்,

"இல்லை'' என பதிலளித்தார் வந்தவர்.

"சிற்றன்னை இருக்கிறாரா?'' என்றதும்,

'ஆம்' என்றார்.

"அப்படியானால் உமது சிற்றன்னைக்கு சேவை செய்யும்,'' என நாயகம் கூறினார்.

"தாயின் காலடியிலேயே சொர்க்கம் இருக்கிறது' என்று சொல்கிறது இஸ்லாம்.

பெற்றவர்களுக்கு சேவை செய்வதை நமது கட்டாயக் கடமையாகக் கொள்ள வேண்டும் என்பதே இன்றைய ரமலான் சிந்தனை.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

வீச்சரிவாளை காட்டி தாய், மகனை மிரட்டிய நான்கு பேர் கைது

2007-09-19T09:57:00.002+04:00

வீச்சரிவாளை காட்டி தாய், மகனை மிரட்டிய வல்லம்படுகையை சேர்ந்த நான்கு பேர் கைது

பரங்கிப்பேட்டை: பரங்கிப்பேட்டை அருகே தாய், மகனை வீச்சரிவாளை காட்டி கொலை செய்துவிடுவதாக மிரட்டிய வல்லம்படுகையை சேர்ந்த பிரபல ரவுடி உட்பட 4 பேரை போலீசார் கைது செய்தனர்.

பரங்கிப்பேட்டையை அடுத்த சின்னகுமட்டி கிராமத்தை சேர்ந்தவர் கண்ணன் (47). இவரும் அவரது தாய் ருக்மணியும் தமது வெள்ளரி தோட்டத்தில் வேலை செய்து கொண்டிருந்தனர்.

அப்போது அந்த வழியாக வந்த வல்லம்படுகை பிரபல ரவுடி சுபாஷ் (30), வாண்டியாம்பள்ளம் கிராமத்தை சேர்ந்த மணிகண்டன் (25), அண்ணாமலைநகர் மண்ரோடு பகுதி முத்துபாண்டி (24), அதே பகுதியை சேர்ந்த பட்டாணி என்கிற மாரிமுத்து (24) ஆகிய 4 பேரும் கண்ணனுடைய வெள்ளரி தோட்டத்தில் புகுந்து வெள்ளரிக்காய் பறித்துள்ளனர்.

இதை பார்த்த கண்ணனும், அவரது தாய் ருக்மணியும் யாரையும் கேட்காமல் ஏன் வெள்ளரிக்காய் பறிக்கிறீர்கள் என கேட்டனர்.

இதனால் ஆத்திரமடைந்த அவர்கள் ருக்மணி, கண்ணன் ஆகியோரை தாக்கி வீச்சரிவாளை காட்டி கொலை செய்வதாக மிரட்டினர்.

இது குறித்து தகவலறிந்த பரங்கிப்பேட்டை இன்ஸ்பெக்டர் கோவிந்தராஜ், சப் இன்ஸ்பெக்டர் திருவேங்கடம் ஆகியோர் விரைந்து வந்து சுபாஷ் (30), மணிகண்டன் (25), முத்துபாண்டி (24), பட்டாணி என்கிற மாரிமுத்து (24) ஆகிய நான்கு பேரை கைது செய்து வழக்கு பதிந்து விசாரித்து வருகின்றனர்.

அரியகோஷ்டி துணை சுகாதார நிலையம்

2007-09-19T09:57:00.001+04:00

அரியகோஷ்டி துணை சுகாதார நிலையம் திறக்காமல் பூட்டியே கிடக்கும் அவலம்

பரங்கிப்பேட்டை: பரங்கிப்பேட்டை அருகே துணை சுகாதார நிலையம் திறக்கப்படாமல் பூட்டியே கிடக்கிறது.

பரங்கிப்பேட்டை ஒன்றியம் அரியகோஷ்டி கிராமத்தில் அரசு துணை சுகாதார நிலையம் உள்ளது.

இங்கு சுற்றுவட்டாரத்தை சேர்ந்த ஏழை, எளிய கர்ப்பிணி பெண்கள், குழந்தைகள், பிரசவ பெண்கள் மற்றும் பொதுமக்கள் உட்பட பலர் சிகிச்சை பெற்று வந்தனர்.

கடந்த இரண்டு ஆண்டு காலமாக வாரத்திற்கு ஒரு முறைதான் இந்த துணை சுகாதார நிலையம் திறக்கப்படுறது.

இதனால் கர்ப்பிணி பெண்கள், குழந்தைகள் ஆகியோர் பரங்கிப்பேட்டை அரசு மருத்துவமனை மற்றும் பு.முட்லூரில் உள்ள ஆரம்ப சுகாதார நிலையத்திற்கு செல்கின்றனர்.

கடந்த காலங்களில் துணை சுகாதார நிலையத்தில் செவிலியர்கள் இங்கேயே தங்கி பணிபுரிந்தனர்.

பரங்கிப்பேட்டை ஒன்றியத்தில் உள்ள பெரும்பாலான துணை சுகாதார நிலையங்களில் செவிலியர்கள் யாரும் வராததால் திறக்காமலேயே பூட்டியே கிடக்கிறது.

வாரத்திற்கு ஒரு முறை மட்டுமே அரியகோஷ்டி வந்து சிகிச்சையளிப்பதாக இந்த பகுதி மக்கள் புகார் தெரிவிக்கின்றனர்.

துணை சுகாதார நிலையம் சேதமடைந்துள்ளதால் இங்கு யாரும் தங்குவதில்லை.

இது குறித்து அதிகாரிகள் நடவடிக்கை எடுத்து ஆரம்ப சுகாதார நிலையத்தை சீரமைத்து டாக்டர்கள் தினமும் வந்து சிகிச்சையளிக்க வேண்டுமென பொதுமக்கள் எதிர்பார்க்கின்றனர்.

ரமலான் சிந்தனைகள் - 6

2007-09-19T09:57:00.000+04:00

ரமலான் சிந்தனைகள்- 6

குர்ஆன் ஓதுகிறீர்களா?

அண்ணல் நபிகள் நாயகம் இஸ்லாமை மக்கள் மத்தியில் பரப்பும் காலத்தில், அனுபவித்த தொல்லைகள் கொஞ்ச நஞ்சமல்ல!

மெக்காவில் வசித்த, இஸ்லாம் எதிர்ப்பாளரான அபூஜஹல் என்பவன், "நாயகத்தின் தலையை யார் கொண்டு வருகிறார்களோ, அவர்களுக்கு நூறு ஒட்டகங்களைபரிசாகத் தருவேன்,'' என அறிவித்தான்.

இதையடுத்து, உமர் என்ற இளைஞர் இந்தப் பொறுப்பை ஏற்றார்.

அப்போது நாயகம், அர்க்கம் மாளிகையில் இருந்தார்.

உமர் அவரைக் கொல்ல வாளுடன் செல்லும் வழியில், அப்துல்லாஹ் என்பவர் உமரைச் சந்தித்தார்.

"இளைஞனே! நீர் முகம்மதுவைக் கொல்லச் செல்கிறீர். ஆனால், உம் தங்கையும், அவரது கணவரும் இஸ்லாத்தை ஏற்றுக் கொண்டுள்ளனர் என்பது உமக்கு தெரியுமா? உம் குடும்பத்தினரைத் திருத்திய பிறகல்லவா நீர் முகம்மதுவைக் கொல்லச் செல்ல வேண்டும்!'' என்றார்.

உமருக்கு அது நியாயமாகப்பட்டது.

அவரது கோபம் தங்கையை நோக்கித் திரும்பியது.

தங்கை வீட்டுக்குச் சென்றார்.

கதவு தாளிடப்பட்டிருந்தது.

உள்ளே குர்ஆன் ஓதும் சப்தம் கேட்டது.

அவர் கதவைத் தள்ளிக்கொண்டு வாளுடன் வீட்டுக்குள் பாய்ந்தார்.

தங்கை உம்மு ஜலீல் பாத்திமாவும், கணவர் ஸயீதுப்னு ஜைதும் அங்கிருந்தனர்.

மைத்துனர் மீது அவர் வாளுடன் பாயவே, கணவரைக் காப்பாற்ற பாத்திமா குறுக்கே பாய்ந்தார்.

அவரது முகத்தில் வாள் கீறி ரத்தம் கொப்பளித்தது.

இதைப் பார்த்ததும் உமரின் வெறி அடங்கியது.

அவளை இரக்கத்துடன் பார்த்தார்.

பாத்திமா மிகுந்த தைரியத்துடன்,"அண்ணா! நாங்கள் அண்ணல் நபிகளின் மார்க்கத்தை தழுவியுள்ளோம். ஆனால், உம் வாளுக்குப் பயந்து தடம் மாறமாட்டோம்,'' என்றார்.

தங்கையின் தைரியம் அவரது மனதை மாற்றி விட்டது.

"பாத்திமா! சற்றுமுன் நீர் ஓதியதை எனக்கும் சற்று காட்டுங்களேன்,'' என்றார்.

பாத்திமா தான் ஓதிய பகுதியைக் கொடுத்தார்.

அதைப் படித்ததும் அவர் கண்ணீர் வடித்தார்.

மனம் மாறினார்.

மறுநாள் நபிகளாரைச் சந்தித்து, இஸ்லாத்தில் இணைந்தார்.

குர்ஆன், கோபக்காரர்களையும் சாந்த சொரூபிகளாக்கும் வல்லமை கொண்டது.

ரமலான் காலத்தில் மிக அதிகமாக குர்ஆனை ஓத வேண்டும்.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

ரமலான் சிந்தனைகள் - 5

2007-09-18T09:26:00.000+04:00

ரமலான் சிந்தனைகள் - 5

'உபதேசக்காரர்' பதவி

சிலரது பேச்சில் தேன் சொட்டும். 'எங்க ஊருக்கு வாங்க. நான் உங்களுக்கு வேணுங்கிற வசதியை செய்து தரேன்' என்பார்கள்.

ஊருக்குப் போனால், 'ஐயையோ! இன்றைக்கு முக்கியமான வேலை இருக்குதே. நீங்க கொஞ்சம் அட்ஜஸ்ட் பண்ணிக்கிடுங்க' என்பார்கள்.

இன்னும் சிலர், 'என்னடா நீ! மனைவின்னா ஒழுங்கா குடித்தனம் நடத்த வேண்டாம். அவ கேட்டதை வாங்கிக் கொடு. குடிச்சிட்டு வீட்டுக்குப் போகாதே. புகை பிடிக்காதே. அது உடலுக்கு கேடுன்னு தெரிஞ்சும் ஏண்டா செய்றே' என தங்கள் நண்பர்களை எச்சரிப்பார்கள்.

ஆனால், உபதேசம் செய்தவனின் வீட்டில் போய் பார்த்தால், கதை வேறு மாதிரியாக இருக்கும். காரணமில்லாமல், மனைவியை உதைப்பது, குடிப்பது... இப்படி நேர்மாறாக நடப்பான்.

ஊருக்கு உபதேசம் செய்யும் இந்தப் பாவிகளுக்கு கொடிய நரகம் காத்திருக்கிறது என எச்சரிக்கிறார் நபிகள் நாயகம்.

'இப்படி அறிவுரை சொன்னவன் நரக நெருப்பில் தூக்கி எறியப்படுவான். அவனது குடல் வெளிப்பட்டு நெருப்பில் விழும். பிறகு, அக்குடலை எடுத்துக் கொண்டு அவன், கழுதை தன் செக்கில் சுற்றுவதைப் போல நரகத்தில் சுற்றுவான்.

இதைப் பார்த்து இவனிடம் அறிவுரை பெற்றவர்கள், "நீ நல்லவனாகத்தானே இருந்தாய். நல்லதைத் தானே எங்களுக்குப் போதித்தாய். பிறகு ஏன் உனக்கு இந்தக் கதி ஏற்பட்டது?'' எனக் கேட்பார்கள்.

அதற்கு அவன், 'நான் உங்களுக்கு நல்லதைத்தான் போதித்தேன். ஆனால், நல்லதின் அருகில் கூட நான் சென்றல்லை. தீமைகளை விட்டும் உங்களைத் தடுத்தேன். ஆனால், நான் தீமை புரிந்து கொண்டிருந்தேன்' என்று பதிலளிப்பான்' என்று நாயகம் சொல்கிறார்.

இன்றைய சிந்தனை இதுதான்.

ஊருக்கு உபதேசம் செய்வது எளிது. அதைக் கடைபிடித்தால்தான், ரமலான் நோன்பு நோற்றதின் பயனை அல்லாஹ்விடம் பெற முடியும்.

ரமலான் சிந்தனைகள் - 4

2007-09-17T09:41:00.001+04:00

ரமலான் சிந்தனைகள் - 4

ஒரு அருமையான மனப்பயிற்சி

'உடற்பயிற்சியைப் பற்றி நான் அறிந்திருக்கிறேன், அதென்ன மனப் பயிற்சி' என்று தானே கேட்கிறீர்கள்.

நாயகத்திடம் கேளுங்கள். அவர் பதிலளிப்பார்.

நீங்கள் நோன்பிருக்கும் காலங் களில் வீணாக குரலுயர்த்திப் பேசிக் கொண்டிருக்க வேண்டாம். யாராவது திட்டினால் அல்லது சண்டைக்கு வந்தால், "நான் நோன்பாளி, நான் நோன்பாளி (பிரச்னைக்கு வரவேண்டாம்) என்று கூறிவிடுங்கள்,

சரி... ரம்ஜான் காலத்தில் நோன்பிருக்கும் சமயத்தில் மட்டும் பிரச்னைகளில் இருந்து ஒதுங்கிக் கொண்டு, ஷவ்வால் பிறந்ததும், மீண்டும் வம்புச் சண்டைகளுக்கு போய் விடலாமா என கேட்கக்கூடாது.

ரம்ஜான் நோன்பு என்றால் வெறும் பட்டினி கிடப்பது மட்டுமல்ல! நல்ல பண்புகளையும் வளர்த்துக் கொள்வதாகும். அதன் காரணமாக ரம்ஜானில் எடுக்கப்படும், இந்த பயிற்சியானது, வாழ்க்கை முழுமைக்கும் நமக்கு பயன்படுவதாக அமைய வேண்டும்.

அது மட்டுமல்ல!

(ரமலான் மாதத்தில் செய்யப்படும்) "ஒவ்வொரு நன்மைக்கும் பத்துமுதல் எழுநூறு மடங்கு வரை கூலி கொடுக்கப்படுகிறது. நோன்பு எனக்குரியது. அதற்கு நானே கூலி கொடுப்பேன் என்று அல்லாஹ் கூறுகின்றான்.

நோன்பு நரகத்தில் இருந்து காக்கும் ஒரு கேடயமாகும். நோன்பாளியின் வாய்வாடை கஸ்தூரியின் நறுமணத்தை விட சிறந்ததாகும்,'' என்கிறது இஸ்லாம்.

இப்படி எல்லையில்லா நன்மையை நமக்கு இறைவன் அருளி இருப்பதால், அந்த வாய்ப்பை ரம்ஜான் மாதத்தில் நழுவ விட்டுவிடக்கூடாது. உள்ளத்தூய்மையும், மனப்பக்குவமுமே இந்நேரத்தில் நமக்கு அல்லாஹ்விடம் இருந்து அதிக கூலியைப் பெற்றுத்தரும்.

"நன்மை செய்வதையே விரும்புபவனே! நீ வருக! அதிகமதிகம் நன்மை செய்வாயாக. பாவங்களை நாடுபவனே! நீ பாவங்கள் செய்வதைக் குறைத்துக் கொள்,'' என்கிறார் நாயகம்.

ஆக, இன்றைய நமது சிந்தனை, பிறருக்கு நன்மை செய்வதை அடிப்படையாகக் கொண்டதாக அமையட்டும்.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

ரமலான் சிந்தனைகள் - 3

2007-09-17T09:41:00.000+04:00

ரமலான் சிந்தனைகள் - 3

வாழும்போதும், வாழ்க்கைக்குப் பிறகும்...

இன்று மதுக்கடைகள் பெருகியுள்ளது. இஸ்லாமுக்கு அதில் அறவே விருப்பமில்லை.

நபிகள் நாயகம், மது அருந்துதலின் தீமையைப் பற்றி மிகக் கடுமையாக எச்சரித்துள்ளார்.

அது வாழும் காலத்தில் மட்டுமல்ல, வாழ்க்கைக்குப் பிறகும் கடும் துயரங்களை நமக்குத் தரும்.

ஒருமுறை, நபிகள் நாயகத்திடம், தைலம் ஷர்ரி (ரலி) என்ற தோழர் வந்தார். "இறை தூதே! நாங்கள் குளிர்பிரதேசத்தில் வசிப்பவர்கள். குளிரைப் போக்க மதுவை அருந்துகிறோம்,'' என்றார்.

அவரிடம் நாயகம், "அந்த மதுவில் போதை இருக்கிறதா?'' என்றார்.

"ஆம்' என பதிலளித்த தோழரிடம், "அப்படியானால், நீங்கள் அதனைக் குடிக்கக்கூடாது,'' என்றார் நாயகம்.

"சரி...நான் குடிக்கவில்லை. ஆனால், மக்கள் கேட்க மாட்டார்களே,'' என்று தோழர் சொன்னதற்கு,

"அப்படியானால் குடிப்பவர்களுடன் நீங்கள் யுத்தம் செய்யுங்கள்,'' என்றார் நாயகம்.

குடிப்பவர்களுடன் சண்டை போட்டாவது அவர்களைத் திருத்த வேண்டும் என்பது நாயகத்தின் கொள்கை.

மதுபானம் அருந்துவது பாவங்கள் அனைத்திற்கும் தாயாகும்.

மது அருந்துபவன் தொழுகையை விட்டுவிடுவான்.

ஒருமுறை மது அருந்திய ஒருவரை நபிகள் நாயகத்தின் முன் கொண்டு வந்தார்கள். நாயகம் அவர்களிடம், "இவரை அடியுங்கள்,'' என்றார்.

சிலர் அவரை கையால் அடித்தனர். சிலர் துணியை முறுக்கி அடித்தனர். சிலர் செருப்பால் அடித்தனர்.

மது அருந்துவோருக்கு இவ்வுலகில் மட்டுமல்ல, மறுவுலகிலும் கடும் தண்டனை கிடைக்கும் என்கிறார் நாயகம்.

'மது அருந்துபவன் இறந்தால், அவனுக்கு மறுமையில், நரகவாசியின் சீழ், வியர்வை ஆகியவற்றை அல்லாஹ் அருந்தச் செய்வான்' என்றும் குர்ஆன் எச்சரிக்கிறது.

யோசியுங்கள்! தேவைதானா இன்னும் மது என்னும் கொடிய விஷம்!

இந்த ரம்ஜான் மாதத்தில், மதுவை இனி கண்ணால் கூட பார்ப்பதில்லை என்று உறுதியெடுங்கள்.

நோன்பிருக்கும் வேளையில், இன்றைய உயரிய சிந்தனை இது தான்!

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

அரசுக்கு எதிராக சதி திட்டம் தீட்டிய 3 பேர் கைது

2007-09-15T11:46:00.002+04:00

அரசுக்கு எதிராக சதி திட்டம் தீட்டிய பண்ருட்டியை சேர்ந்த 3 பேர் கைது

பரங்கிப்பேட்டை அருகே அரசுக்கு எதிராக சதி திட்டம் தீட்டிய பண்ருட்டியை சேர்ந்தவர்கள் உட்பட 3 பேரை போலீசார் கைது செய்தனர்.

பரங்கிப்பேட்டை சப் இன்ஸ்பெக்டர் திருவேங்கடம், ஏட்டுகள் ராதா, ரங்கநாதன், முருகேசன் ஆகியோர் நேற்று பு. முட்லூர் பகுதியில் ரோந்து பணி மேற்கொண்டனர்.

அப்போது பு. முட்லூர் ஜவுளிக் கடை அருகே பண்ருட்டி ஜாகிர் உசேன் தெரு முகமது ஹனிபா மகன் ஷாஜஹான் (24), அதே பகுதி சைய்யது அலி (23), பரங்கிப்பேட்டை குட்டைய செட்டி தெரு முஜாகித் (23) ஆகியோர் அரசுக்கு எதிராகவும், அரசுக்கு கெட்ட பெயர் ஏற்படுத்தும் வகையில் சதி திட்டம் தீட்டிக் கொண்டிருந்ததாக கைது செய்து வழக்கு பதிவு செய்தனர்.

இந்த செய்தி குறித்த மேலதிக விபரங்கள் தேவைப்படுகின்றன. அறிந்தவர்கள் பின்னூட்டம் இடலாம்

ரமலான் சிந்தனைகள் - 2

2007-09-15T11:46:00.001+04:00

ரமலான் சிந்தனைகள் - 2

பெண்கள் நமது கண்கள்

எத்தகைய பெண்கள் மணவாழ்வுக்கு ஏற்றவர்கள் என்பதை இஸ்லாம் வரையறுத்துள்ளது.

"ஒரு பெண்ணை அவளுடைய செல்வம், அழகு, குலம், மார்க்கப்பற்று ஆகிய நான்கில் ஒன்றுக்கு மணம் முடிக்கப்படுகிறது. நீங்கள் மார்க்கப்பற்றுடைய பெண்ணையே திருமணம் செய்து கொள்ளுங்கள்,'' என்கிறார் நபிகள் நாயகம்.

திருமணத்திற்கு பிறகு, ஒருவர் நிம்மதியாக காலம் கழிக்க வேண்டுமென்றால், எவ்வகை குணங்களைப் பெண்கள் தவிர்க்க வேண்டும் என அரபுக்கவிஞர் அப்துல்லா சுட்டிக்காட்டுகிறார்.

எந்த நேரமும் சண்டை போட்டுக் கொண்டும்,

பெருமூச்செறிந்து கொண்டும்,

இடைவிடாமல் கைவலி, கால் வலி, தலை வலி என புலம்புவதும்,

கணவர் எவ்வளவு தான் நல்ல முறையில் கவனித்தாலும் "உம்மால் என்ன சுகத்தைக் கண்டேன்' என குறை சொல்வதும்,

முன்னாள் கணவரை மறக்க முடியாமல் அவருக்கு பிறந்த குழந்தைகளை நினைத்து வருந்துவதும்,

கணவனின் பொருளாதார நிலையறியாமல் அது வேண்டும் இது வேண்டும் என கேட்பதும்,

வெளியில் உள்ளவர்கள் பாராட்ட வேண்டுமென்பதற்காக, எந்நேரமும் தன்னை அழகுபடுத்திக் கொள்வதிலேயே கவனம் செலுத்துவதும்,

அதிகமாகப் பேசுவதுமான குணங்கள் பெண்களால் தவிர்க்கப்பட வேண்டியவை.

ரமலான் நோன்பு காலத்தில், பட்டினி கிடப்பதும், அதிக நேரத்தை தொழுகையில் செலவிடுவதும் மட்டும் உயர்ந்த இடத்தை தந்து விடாது. நல்ல பண்புகளை வளர்த்துக் கொள்ள வேண்டும்.

குறிப்பாக, பெண்கள் மேற்கண்ட குறைகளைத் தவிர்ப்பதன் மூலம், குடும்பத்தில் நிம்மதி பிறக்கும்.

பெண்களை மரியாதையுடன் நடத்தவும் ஆண்கள் கற்றுக்கொள்ள வேண்டும் என இஸ்லாம் சொல்கிறது.

"பெண்களை நல்ல முறையில் நடத்துமாறு அல்லாஹ் கட்டளையிடுகின்றான். ஏனென்றால், அவர்களே உங்கள் தாயாராகவும், மகளாகவும், மாமியாராகவும் இருக்கின்றார்கள்,'' என்கிறார் நபிகள் நாயகம்.

உரிமை என்ற பெயரில், ஆணினமும், பெண்ணினமும் தங்களுக்கிடையே ஏற்பட்டுள்ள கருத்து வேறுபாடுகளை அறவே மறந்து, நல்லிணக்கம் கொள்வதே இன்றைய ரம்ஜான் சிந்தனையாக அமையட்டும்.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

ரமலான் சிந்தனைகள் - 1

2007-09-15T11:46:00.000+04:00

ரமலான் சிந்தனைகள் - 1

முகமலர்ச்சியுடன் நோன்பு துவங்குவோம்

ரம்ஜான் மாதம் பிறந்து விட்டது. நோன்பு நோற்கும் கட்டாயக் கடமையை துவங்குகிறோம்.

நோன்பு நோற்பதின் நோக்கமே, பசியின் கொடுமையை உணர்ந்து கொள்ளத்தான். பசித்திருப்பவர் ஒருபுறம், நன்றாகப் புசித்திருப்பவர் ஒருபுறம் என சமுதாயம் இரு பிளவாக இருக்கிறது. பசியின் கொடுமையை உணரத்தான் பகல் முழுவதும் ஏதும் சாப்பிடாமல் நோன்பு நோற்கிறோம்.

இதனால் தான், ரம்ஜான் மாதத்தில் மிக அதிகமாக தானம் செய்ய வலியுறுத்தப்படுகிறது. தானம் செய்வதன் மூலம் ஏழைகளின் பசி தீர்கிறது. ஏதுமில்லாத ஏழை கூட, ஒரு டம்ளர் தண்ணீராவது, தவித்து வந்தவர்க்கு தானம் செய்ய வேண்டும்.

தானத்துடன் நல்ல சிந்தனைகளையும் வளர்த்துக் கொள்ள வேண்டும்.

இதோ சில சிந்தனைகள்.

குழந்தைகளுக்கு மார்க்கக் கல்வியைப் போதிக்க வேண்டும். நன்மையான வார்த்தைகளை அவர்களிடம் பேச வேண்டும்.
உற்றார் உறவினர்களுடன் சச்சரவு வேண்டாம். அவர்களுடன் இணைந்து வாழ வேண்டும்.
பிறருடைய பாரத்தையும் நாம் சுமக்க வேண்டும். அதாவது, ஒரு ஏழைக்குடும்பத்தையாவது நாம் ஏற்றுக் கொண்டு, அவர்களுக்குரிய தேவையை நிறைவு செய்ய வேண்டும்.
அனாதைகளுக்கு உதவி செய்ய வேண்டும்.
விருந்தினர்களை முகம் மலர உபசரிக்க வேண்டும்.
பெற்றோரை வேதனை செய்பவனை பார்த்துக் கொண்டிருக்கும் இறைவன், "நீ எத்தனை வணக்கவழிபாடுகளில் ஈடுபட்டாலும், உன் பாவங்களை மன்னிக்கமாட்டேன்,' என்று சொல்லியுள்ளதை நினைவில் கொண்டு, பெற்றவர்களுக்கு உரிய மரியாதை செய்ய வேண்டும்.
அல்லாஹ் பரிசுத்தமானவன். பரிசுத்தத்தையே விரும்புகிறான், அல்லாஹ் மணமுள்ளவன். நறுமணத்தை விரும்புகிறான். எனவே, உங்கள் இல்லங்களை பரிசுத்தமாக வைத்துக் கொள்ளுங்கள், என்ற குர்ஆன் வசனத்தை நினைவில் கொண்டு, வீடுகளையும், சுற்றுப்புறத்தையும் சுத்தமாக வைத்துக் கொள்ள வேண்டும்.

இத்தகைய நல்ல நினைவுகளுடனும், முகமலர்ச்சியுடனும் இன்று நோன்பைத் துவங்குவோம்.

இது தினமலர் நாளிதழில் வெளியாகும் சிந்தனைகளின் தொகுப்பே அன்றி வேறில்லை!

சிறுபான்மையினருக்கு இட ஒதுக்கீடு

2007-09-13T14:12:00.000+04:00

சிறுபான்மையினருக்கு இட ஒதுக்கீடு

சட்டம் பிறப்பித்தது தமிழக அரசு

தமிழகத்தில் கல்வி மற்றும் வேலை வாய்ப்புகளில் முஸ்லிம் மற்றும் கிறிஸ்தவர்களுக்கு இட ஒதுக்கீடு அளித்து அவசரச் சட்டம் பிறப்பித்துள்ளது தமிழக அரசு.

கல்வி, வேலை வாய்ப்புகளில் முஸ்லிம் மற்றும் கிறிஸ்தவர்களுக்கு தலா 3.5 சதவீத இட ஒதுக்கீடு வழங்கப்படும் என்று இந்த அவசரச் சட்டத்தில் கூறப்பட்டுள்ளது.

மக்கள் அலறி அடித்துக்கொண்டு ஓட்டம்

2007-09-13T10:11:00.003+04:00

சுனாமி எச்சரிக்கை விடப்பட்டதால் கடலூர் மாவட்ட கடலோர மக்கள் அலறி அடித்துக்கொண்டு ஓட்டம்

கடலூர் மாவட்டத்தில் 54 கிராமங்களுக்கு சுனாமி எச்சரிக்கை விடப்பட்டுள்ளது. இதனால் கடலோர பகுதிகளில் வசிப்பவர்கள் அலறி அடித்துக்கொண்டு ஓடினார்கள். கடற்கரைக்கு யாரும் செல்லாதவாறு போலீசார் பாதுகாப்பாக நிறுத்தப்பட்டுள்ளனர்.

இந்தோனேசியாவில் ஏற்பட்ட நில நடுக்கம் பற்றி தகவல் கிடைத்ததும் கடலூர் மாவட்ட நிர்வாகம் உஷார் படுத்தப்பட்டது. கடலூர் மாவட்ட கலெக்டர் ராஜேந்திர ரத்னூ உடனடியாக அதிகாரிகளை அழைத்து பாதுகாப்பு நடவடிக்கை குறித்து ஆலோசனை நடத்தினார்.

எச்சரிக்கை மணி

கலெக்டர் அலுவலகம் அருகே அவசர கால சுனாமி எச்சரிக்கை மையம் உள்ளது. இங்கு சுனாமி எச்சரிக்கை மணி உள்ளது. இந்த மணி ஒலிக்கப்பட்டால் கடலூர் மாவட்டத்தில் கடலோர பகுதிகளில் உள்ள யூனியன் அலுவலகங்களில் உள்ள எச்சரிக்கை மணி நேரடியாக ஒலிக்கும்.

இந்த மையத்துக்கு கலெக்டர் ராஜேந்திர ரத்னூ நேரில் சென்று எச்சரிக்கை மணியை ஒலிக்க செய்தார். அதோடு அங்குள்ள ஒலி பெருக்கியில் பேசினார். இந்த பேச்சும் கடலூர் மாவட்டம் முழுவதும் உள்ள புயல் எச்சரிக்கை மையங்கள் மற்றும் யூனியன் அலுவலங்களில் நேரடியாக கேட்க முடியும்.

காலி செய்ய உத்தரவு

கடலோர பகுதிகளில் குறிப்பாக தாழ்வான பகுதிகளில் வசிக்கும் பொதுமக்கள் வீடுகளை காலி செய்து விட்டு மேடான பாதுகாப்பான பகுதிக்கு செல்ல வேண்டும். மறு உத்தரவு வரும் வரை மீனவர்கள் யாரும் கடலுக்கு மீன் பிடிக்க செல்ல கூடாது என்றும் கலெக்டர் எச்சரிக்கை செய்தார்.

இந்த எச்சரிக்கையை தொடர்ந்து அதிகாரிகள் கடலோர பகுதிகளுக்கு சென்று பொதுமக்களை வீடுகளை காலி செய்ய செய்து பாதுகாப்பான பகுதிக்கு அழைத்துச்சென்றனர்.

கடலூர் மாவட்டத்தில் தாழங்குடா, கிள்ளை, தேவனாம்பட்டினம், பரங்கிபேட்டை, சிங்காரதோப்பு, சாமியார்பேட்டை உள்பட 54 கிராமங்களுக்கு சுனாமி எச்சரிக்கை விடப்பட்டுள்ளது.

இந்த கிராமங்களை சேர்ந்த பெரும்பான்மையான மக்கள் கையில் கிடைத்த பொருட்களை எடுத்து கொண்டு வீடுகளை காலி செய்து விட்டு பாதுகாப்பான பகுதிகளுக்கு கிளம்பி சென்றனர்.

லாரிகளில் ஏறி தப்பினார்கள்

தேவனாம் பட்டினத்தில் சுனாமி வீடுகள் கட்டும்பணி நடந்து வருகிறது. இதில் ஈடுபட்டுள்ள தொழிலாளர்கள் சுனாமி பற்றி செய்தி கிடைத்ததும் தப்பித்தோம் பிழைத்தோம் என்று கட்டிட காண்டிராக்டருக்கு சொந்தமான லாரிகளில் ஏறி அவசர அவசரமாக வெளியேறினார்கள்.

தேவனாம்பட்டினம் சில்வர் பீச்சில் வழக்கமாக இரவு 9 மணிவரை பொதுமக்கள் காற்று வாங்க உட்கார்ந்திருப்பார்கள். அவர்களுக்காக சுண்டல், பொரி, சிப்ஸ், ஐஸ்கிரீம் விற்பனை செய்யும் தள்ளுவண்டிகள் வரிசையாக நிறுத்தப்பட்டிருக்கும்.

சுமார் 6 மணி அளவில் போலீசார் சுனாமி எச்சரிக்கை விடப்பட்டதும் இந்த கடைகாரர்கள் எல்லாம் கடைகளை எடுத்துக்கொண்டு கிளம்பி சென்றனர். பீச் பகுதிக்கு உள்ளே செல்ல போலீசார் தடை விதித்தால் சில்வர் பீச் பகுதி வெறிச்சோடி போய் கிடந்தது.

கடலூர் மாவட்டத்தில் கடற்கரையை யாரும் நெருங்காதபடி போலீஸ் பாதுகாப்பு போடப்பட்டுள்ளது.

பரங்கிப்பேட்டை அருகே குளம் வெட்டும் பணி

2007-09-13T10:11:00.002+04:00

பெரியகுமட்டியில் தேசிய வேலைவாய்ப்பு திட்டத்தில் குளம் வெட்டும் பணி

- ஒன்றிய ஆணையாளர் பார்வை

பரங்கிப்பேட்டை அருகே தேசிய வேலைவாய்ப்பு திட்டத்தில் ரூ.4 லட்சம் மதிப்பில் குளம் வெட்டும் பணியை ஒன்றிய ஆணையாளர் பார்வையிட்டார்.

பரங்கிப்பேட்டை அடுத்த பெரியகுமட்டி கிராமத்தில் உள்ள நந்தவனம் குளம் தேசிய வேலை வாய்ப்பு திட்டத்தில் ரூ.4 லட்சம் மதிப்பில் புதியதாக வெட்டப் படுகிறது.

இந்த பணியை நேற்று பரங்கிப்பேட்டை ஒன்றிய ஊராட்சி ஆணையாளர் பாலசுப்ரமணியன் பார்வையிட்டார்.

அவருடன் ஊராட்சி மன்ற தலைவர் ஜெய்சங்கர், இன்ஜினியர் சண்முகசுந்தரம், துணை தலைவர் பாலமுருகன், அகிலாண்ட பிச்சாண்டி, மக்கள் நலப்பணியாளர் வெங்கடாஜலபதி, ஊராட்சி எழுத்தர் செல்வராஜ் உட்பட பலர் கலந்து கொண்டனர்.

பரங்கிப்பேட்டையில் ஓடும் பஸ்சில் நகை திருட்டு

2007-09-13T10:11:00.001+04:00

பரங்கிப்பேட்டையில் ஓடும் பஸ்சில் 2 பவுன் நகை திருட்டு

மூன்று பெண்கள் உட்பட 6 பேர் கைது

பரங்கிப்பேட்டை அருகே ஓடும் பஸ்சில் ரூ. 15 ஆயிரம் மதிப்புள்ள இரண்டு பவுன் நகையை திருடிய தர்மபுரி மாவட்டத்தை சேர்ந்த மூன்று பெண்கள் உட்பட 6 பேரை போலீசார் கைது செய்தனர்.

பரங்கிப்பேட்டை நெல்லுக்கடை தெருவை சேர்ந்தவர் பிரகாஷ். (23). இவர் நேற்று முன்தினம் இரண்டு பவுன் நகையை அடமானம் வைப்பதற்காக சிதம்பரத்திற்கு தனியார் பஸ்சில் சென்றார்.

பரங்கிப்பேட்டை அடுத்த அகரம் பஸ் ஸ்டாப்பில் பஸ் நின்ற போது மூன்று பெண்கள் உட்பட 6 பேர் பஸ்சில் ஏறினர். அதில் ஒருவர் பிரகாஷ் கைப்பையில் வைத்திருந்த நகையை திருடி அவர்களுடன் வந்த ஒருவரிடம் கொடுத்தார். பின்னர் அவர் நகையை வேறு ஒருவரிடம் கொடுத்துள்ளார். இப்படி மாறி மாறி 6 பேரிடமும் நகை சென்றுள்ளது.

இதற்கிடையே பஸ் பு.முட்லூர் அருகே சென்ற போது பிரகாஷ் கைப்பையில் வைத்திருந்த நகையை காணாமல் சத்தம் போட்டார். உடன் பஸ்சில் இருந்தவர்கள் அனைவரும் நகையை தேடினர்.

அந்த நேரத்தில் 6 பேர் நைசாக கீழே இறங்கியுள்ளனர். இதனால் சந்தேகமடைந்த பயணிகள் அவர்களை பிடித்து பரங்கிப்பேட்டை போலீஸ் நிலையத்தில் ஒப்படைத்தனர்.

அவர்களிடம் சப் இன்ஸ்பெக்டர் திருவேங்கடம், ஏட்டு ராதா, ரெங்கநாதன், முருகேசன் ஆகியோர் விசாரணை நடத்தினர்.

அவர்கள் பழைய தர்மபுரி மாரியம்மன் கோவில் தெருவை சேர்ந்த முனியப்பா மகன் முருகன் (40), இவரது மனைவி ஜானகி (35), முருகனின் மகன் சுதன் (24), சுதனின் மனைவி பல்லவி (20), குமார் மனைவி சுசிலா (20), பாண்டியன் (23) என்றும் பஸ்சில் நகையை திருடியதை ஒப்புக் கொண்டனர்.

அவர்களிடமிருந்து போலீசார் நகையை மீட்டனர். பின்னர் அவர்கள் மீது வழக்கு பதிந்து கைது செய்தனர்.

பரங்கிப்பேட்டை ஒன்றியம் மடவாப்பள்ளம் கிராமத்தில் மரக் கன்றுகள் நடும் விழா

2007-09-13T10:11:00.000+04:00

மரக் கன்றுகள் நடும் விழா

கடலூர் மாவட்டத்தில் சுனாமியால் பாதித்த பகுதிகளில் மரக்கன்றுகள் நடும் விழா நடந்தது.

கடலூர் மாவட்டத்தில் சுனாமியால் பாதித்த பகுதிகளில் சுற்றுசூழலினை உருவாக்கிட கலெக்டர் ராஜேந்திர ரத்னு உத்தரவின் பேரில், மாவட்ட ஊரக வளர்ச்சி முகமை, திட்ட அலுவலர் ஆகியோரின் ஆலோசனைப்படி முதற் கட்டமாக பரங்கிப்பேட்டை ஒன்றியம் மடவாப்பள்ளம் கிராமத்தில் மரக் கன்றுகள் நடும் விழா நடந்தது.

விழாவை உதவி திட்ட அலுவலர் உஷா ராணி துவக்கி வைத்தார். விழாவில் செந்தில், கிருஷ்ணமூர்த்தி, சதீஷ், ஜெயபாரத் பிளஸ் தொண்டு நிறுவனத்தினர், மகளிர் சுய உதவிக்குழுவினர் மற்றும் ஊர் பொது மக்கள் கலந்து கொண்டனர்.

உங்களின் பார்வைக்கு...!

2007-09-13T02:34:00.000+04:00

பரங்கிப்பேட்டை மக்களின் அமோக ஆதரவைப்பெற்ற

http://ppettai.blogspot.com/ "செய்திகளின் சங்கமம்".

வாசகர்களுக்கு...!

2007-09-13T02:22:00.000+04:00

ஊரைப்பற்றிய பொதுவான நல் விஷங்களை, வாசகர்களுக்கு பயனளிக்கக்கூடியவைகளை மட்டும் பதியுமாறு கேட்டுக்கொள்கின்றோம்.

ஊரின் நலனயே நோக்கமாகக்கொண்டு நடத்தப்படும் இணையதளங்களை ஊரின் முன்னேற்றப்பாதையில் கொண்டு செல்வதற்கு பதிலாக எந்த ஒரு தனி நபரையோ அல்லது ஒரு சாராரையோ, அவர்களுடைய மனதை புன்படுத்தும் விதத்திலோ பயன்படுத்த வேண்டாம் என்று கேட்டுக்கொள்கின்றோம்.

தனி நபரின் கருத்துக்களை இணைய பக்கங்களாக வெளியிடுவதை தவிர்த்துக்கொள்ளவும்.

வேளாண் அதிகாரி வேண்டுகோள்

2007-09-12T13:28:00.004+04:00

திருந்திய நெல் சாகுபடி தொழில் நுட்பத்தில் நடவு செய்ய வேளாண் அதிகாரி வேண்டுகோள்

நெல் சம்பா பருவத்தில் குறைந்த செலவில் அதிக மகசூல் பெற திருந்திய நெல் சாகுபடி தொழில் நுட்ப முறையில் நடவு செய்யுமாறு வேளாண் அதிகாரி வேண்டுகோள் விடுத்துள்ளார்.

இது குறித்து சிதம்பரம் வேளாண் உதவி இயக்குனர் அஜிஜூர் ரஹ்மான் விடுத்துள்ள செய்தி குறிப்பு:

சிதம்பரம் வேளாண் கோட்டத்தில் பரங்கிப்பேட்டை, புவனகிரி, கீரப்பாளையம் ஒன்றியங்களில் நெல் சாகுபடி செய்யும் விவசாயிகள் நெல் சம்பா பருவத்தில் குறைந்த செலவில் அதிக மகசூல் பெற திருந்திய நெல் சாகுபடி தொழில் நுட்ப முறையில் நடவு செய்ய வேண்டும்.

திருந்திய நெல் சாகுபடி முறையில் ஒரு ஏக்கர் நெல் நடவு செய்ய வீரியமான தரமான இளம் நாற்றுகள் தயார் செய்ய வேண்டும்.

நெல் விதை 3 கிலோவில் இருந்து 5 கிலோ, பாலீதீன் பை 48 அடிக்கு 4 அடி, இரும்பு பிரேம் 4 அடி நீளம் 2 அடி அகலம் ஒரு அங்குலம் கனம் உள்ளது.

தொழு உரம் 20 கிலோ, வைக்கோல் ஒரு கட்டு. ஒரு ஏக்கருக்கு தேவையான 3 முதல் 5 கிலோ வரை விதையினை குடோமோனாஸ் 30 முதல் 40 கிராம் கலந்து நீரில் நன்கு 24 மணி நேரம் ஊற வைக்கவும்.

ஒரு ஏக்கருக்கு நடவுக்கு நாற்று தயாரிக்க 48 அடி நீளம், 4 அடி அகல பாலீதின் சாக்கினை நல்ல மணல் தூவிய பரப்பில் சமமாக பரப்பி அதன் மீது தொழு உரம் கலந்த நன்கு கலக்கிய கட்டிகள் இல்லாத சேற்றினை 4 அடிக்கு 1 கன அங்குல கனம் உள்ள பிரேமில் பாகு அச்சு போல ஊற்ற வேண்டும்.

24 முறைகள் இவ்வாறு பிரேம் மூலம் சேற்றினை கலந்து அமைத்த பின் இரண்டாம் கொம்பு நெல் விதைகளை சீராக தூவி அதன் மீது நன்கு சலித்த உலர்ந்த தொழு உரத்தை தூவி ஒரு அங்குலம் அளவிற்கு கனமாக வைக்கோல் பரப்ப வேண்டும்.

தினமும் இந்த விதைப்பு செய்த மேற்பரப்பு வைக்கோல் மீது பூவாளி கொண்டு நீரை தெளிக்க வேண்டும்.

15 தினங்களில் வீரியமான நல்ல நாற்றுகள் நடவு செய்ய தயராகி விடும்.

இவ்வாறு அந்த செய்தி குறிப்பில் கூறப்பட்டுள்ளது.

தண்ணீர் சேகரிப்பு தொட்டிகள்

2007-09-12T13:28:00.003+04:00

ஊராட்சி ஒன்றிய பள்ளிகளுக்கு தண்ணீர் சேகரிப்பு தொட்டிகள்

முழு சுகாதார திட்டத்தின் கீழ் கடலூர் மாவட்டத்தில் உள்ள ஊராட்சி ஒன்றிய பள்ளிகளுக்கு யுனிசெப் நிறுவனம் சார்பில் 80 சின்டெக்ஸ் நீர் சேகரிப்பு தொட்டி வழங்கப்பட்டுள்ளது.

யுனிசெப் நிறுவனம் முழு சுகாதார திட்டத்தின் கீழ் கடலூர் மாவட்ட ஊராட்சி ஒன்றிய துவக்கப் பள்ளி மற்றும் உயர்நிலைப் பள்ளிகளுக்கு 500 லிட்டர் கொள்ளளவு கொண்ட 80 சின்டெக்ஸ் தண்ணீர் சேகரிப்பு தொட்டிகள் வழங்கியுள்ளது.

இந்த தொட்டிகள் அனைத்தும் மாவட்ட ஊரக வளர்ச்சி முகமை திட்ட அலுவலர் உத்தரவின்படி அந்தந்த ஊராட்சி ஒன்றிய அலுவலகங்கள் மூலம் பள்ளிகளுக்கு வழங்கப்படும்.

பண்ருட்டி, அண்ணாகிராமம், காட்டுமன்னார்குடி, குறிஞ்சிப்பாடி, குமராட்சி, மேல்புவனகிரி, பரங்கிப்பேட்டை, விருத்தாசலம், கம்மாபுரம், நல்லூர் ஆகிய ஒன்றியங்கள் ஒவ்வொன்றிற்கும் தலா ஆறு தண்ணீர் தொட்டிகளும்,

கீரப்பாளையம், மங்களூர் ஒன்றியங்களுக்கு தலா ஏழு தண்ணீர் தொட்டிகளும் வழங்கப்பட உள்ளன.

கடலூர் ஒன்றியத்திற்கு நாணமேடு, குண்டுஉப்பலவாடி, தோட்டப்பட்டு, உச்சிமேடு, கொடுக்கன் பாளையம் ஆகிய பகுதிகளில் உள்ள ஊராட்சி ஒன்றிய துவக்கப் பள்ளிகளுக்கும், உண்ணாமலை செட்டிச் சாவடி ஊராட்சி ஒன்றிய நடுநிலைப் பள்ளிக்கும் வழங்கப்பட உள்ளது.

யோகா பயிற்சி மையம் துவக்கம்

2007-09-12T13:28:00.002+04:00

அண்ணா விளையாட்டரங்கில் யோகா பயிற்சி மையம் துவக்கம்

தமிழகத்தில் முதன்முறையாக ஆண்கள் மற்றும் பெண்களுக்கு தனித்தனியாக அரசு சார்பில் இலவச யோகா பயிற்சி மையத்தை கடலூரில் கலெக்டர் துவக்கி வைத்தார்.

தமிழ்நாடு விளையாட்டு மேம்பாட்டு ஆணையம் மற்றும் ஸ்டேட் யோகாசன அசோசியேஷன் ஆகியவை இணைந்து ஒவ்வொரு மாவட்டத்திலும் இலவச யோகா பயிற்சி மையம் துவக்கி வருகிறது.

இதில் 17வது மாவட்டமாக கடலூரில் நேற்று இலவச யோகா பயிற்சி மையத்தை அண்ணா விளையாட்டு அரங்கில் கலெக்டர் ராஜேந்திர ரத்னு துவக்கி வைத்தார்.

இந்த யோகாசன பயிற்சி மையம் தமிழகத்தில் முதல்முறையாக ஆண்கள் மற்றும் பெண்களுக்கென்று தனித்தனியாக அமைக்கப்பட்டுள்ளது.

இதன் துவக்க விழா நிகழ்ச்சியில் டி.ஆர்.ஓ., ஜெயந்தி தலைமை தாங்கினார். மாநில யோகாசன சங்க செயலாளர் பரமகுரு யோகி ராமலிங்கம், மாவட்ட விளையாட்டு அலுவலர் பத்மநாபன், மாவட்ட முதன்மை கல்வி அலுவலர் வீராசாமி, ஆர்.டி.ஓ., பிருந்தா தேவி, யோகாசன சங்க மாவட்ட தலைவர் சிவலிங்கம் ஆகியோர் முன்னிலை வகித்தனர்.

இந்த இலவச யோகா பயிற்சி மையத்தில் தினமும் காலை 6 முதல் 8.30 மணி வரையிலும், மாலை 4 முதல் 6.30 மணி வரையிலும் யோகா பயிற்சி அளிக்கப்படும்.

இதற்கென அரசு சார்பில் இரண்டு பயிற்சியாளர்கள் நியமனம் செய்யப்பட்டுள்ளனர்.

இலவச யோகா பயிற்சி பெற வயது வரம்பு இல்லை.

சிறுவர் முதல் பெரியவர்கள் வரை யார் வேண்டுமென்றாலும் யோகா பயிற்சி பெறலாம்.

மின் விளக்கு வசதி செய்து தரக் கோரி கலெக்டரிடம் மனு

2007-09-12T13:28:00.001+04:00

பூவாலை கிராமத்திற்கு மின் விளக்கு வசதி செய்து தரக் கோரி கலெக்டரிடம் மனு

பூவாலை ஊராட்சியில் மயானத்திற்கு செல்லும் சாலைக்கு மின் விளக்கு வசதி கோரி விடுதலை சிறுத்தைகள் கட்சி சார்பில் கலெக்டரிடம் மனு கொடுத்துள்ளனர்.

இது குறித்து விடுதலை சிறுத்தைகள் கட்சி மாவட்ட விவசாய அணி செயலாளர் தமிழ்வளவன் கலெக்டரிடம் அளித்துள்ள கோரிக்கை மனு:

பரங்கிப்பேட்டை ஊராட்சி ஒன்றியம் பூவாலை மேற்கு, கிழக்கு என இரண்டு வி.ஏ.ஓ.,க்கள் பணியாற்றி வருகின்றனர்.

கிழக்கில் ஆதிதிராவிட மக்களும், பூவாலை மேற்கில் மற்ற இன மக்களும் வசிக்கின்றனர்.

இரு பகுதிக்கும் தனித்தனியாக மயானம் உள்ளது.

ஆனால் இந்த இரு மயான பாதைகளில் மின் விளக்கு வசதி இல்லை.

மேலும் இரு மயான சாலைகளும் மக்கள் நடமாடும் பகுதியாக இருப்பதால் இரவு நேரங்களில் அச்சத்துடன் நடமாடுகின்றனர்.

மேலும் இரவு நேரங்களில் இறந்தவர்களின் உடல்களை எடுத்துச் செல்லும் போது சிரமப்படுகின்றனர்.

பூவாலை மேற்கில் சொசைட்டி தெரு, குண்டியமல்லூர் சாலையில் உள்ள அங்காளம்மன் கோவில் வரை இரு தெருக்களிலும் மின் விளக்குகள் இல்லாமல் உள்ளன.

தெரு மின் விளக்கின்றி இருக்கும் பகுதிகளுக்கு கலெக்டர் விருப்ப நிதியிலிருந்து மின் விளக்குகள் அமைத்துக் கொடுக்க ஆவன செய்யும்படி கேட்டுக் கொள்கிறோம்.

நடுநிலைப்பள்ளி தலைமை ஆசிரியருக்கு ராதாகிருஷ்ணன் விருது

2007-09-12T13:28:00.000+04:00

ஆயிபுரம் ஊராட்சி ஒன்றிய நடுநிலைப்பள்ளி தலைமை ஆசிரியருக்கு ராதாகிருஷ்ணன் விருது

புவனகிரி அடுத்த ஆயிபுரம் ஊராட்சி ஒன்றிய நடுநிலைப்பள்ளி தலைமை ஆசிரியருக்கு அவரது கல்வி சேவையை பாராட்டி நல்லாசிரியர் விருது வழங்கப்பட்டுள்ளது.

பரங்கிப்பேட்டை ஒன்றியத்திற்குட்பட்ட ஆயிபுரம் ஊராட்சி ஒன்றிய நடுநிலைப்பள்ளி தலைமை ஆசிரியராக இருந்து வருபவர் சாமிதுரை.

இவர் 2006-07ம் ஆண்டு தனது பணிக் காலத்தில் கல்வித்துறையில் ஆற்றிய பல்வேறு பணிகளை பாராட்டி தமிழக அரசு இவருக்கு நல்லாசிரியர் விருது வழங்கி பாராட்டியது.

விருது பெற்ற ஆசிரியர் சாமிதுரையை பரங்கிப்பேட்டை ஒன்றிய உதவி தொடக்க கல்வி அலுவலர் கண்ணன், ஸ்ரீமுஷ்ணம் ஆசிரியர் பயிற்சி பள்ளி மற்றும் கலைக்கல்வி கல்லூரி முதல்வர் டாக்டர் தெய்வநாயகம், பள்ளிப்படை முன்னாள் ஊராட்சி மன்ற தலைவர் ஜோசப், முன்னாள் ஒன்றியக்குழு தலைவர் ஆயிபுரம் கண்ணன், வட்டார வள மைய மேற்பார்வையாளர் கலைச்செல்வன் ஆகியோர் பாராட்டி சால்வை அணிவித்தனர்.

புனித ரமழான் நல் வாழ்த்துக்கள்!

2007-09-12T12:42:00.000+04:00

அன்பின் வாழ் பரங்கிப்பேட்டை வாழ் சகோதர்களே!

அஸ்ஸலாமு அலைக்கும் வரஹ்ம...

தங்கள் அனைவருக்கும், நமதூரைச் சார்ந்த அனைவருக்கும, உலக மக்கள் அனைவருக்கும் எனது இதயங்கனிந்த புனித ரமழான் நல்வாழ்த்துக்களை தெரிவித்துக் கொள்வதுடன்...

எல்லாம் வல்ல அல்லாஹ் புனித ரமழானில் நாம் ஆற்றக்ககூடிய அனைத்து நற்செயல்களையும் அங்கீகரித்து, அவனின் அளவிலா அருளையும், நிகரில்லா அன்பையும் அள்ளி வழங்கி, ஈருலகிலும் வெற்றியடைந்த மேன்மக்களாக நம் அனைவரையும் ஆக்கியருள்வானாக என இருகரமேந்திய பிரார்த்தனையையும் அவனிடமே இறைஞசுகின்றேன்.

ரமழான் முபாரக்...!

என்றும் உங்களில் ஒருவன்...

பரங்கிப்பேட்டை

அ.பா. கலீல் அஹ்மத் பாகவீ

(முகாம் : குவைத்)

தலைவர், குவைத் பரங்கிப்பேட்டை இஸ்லாமியப் பேரவை (KPIA)

பொதுச் செயலாளர், குவைத் தமிழ் இஸ்லாமியச் சங்கம் (K-Tic)

ஆசிரியர், கே-டிக் செய்தி மடல் மாத இதழ், குவைத்

மின்னஞ்சல்கள் :
abkaleel@gmail.com / abkaleel@yahoo.com / khaleel_baaqavee@yahoo.com

வலைப்பூக்கள் :
www.ppettai.blogspot.com / www.khaleel-baaqavee.blogspot.com/ www.infopno.blogspot.com

இணையதளங்கள் :
www.parangipettai.com / www.k-tic.com / www.parangi.com

ரமழான் நல் வாழ்த்துக்கள்.

2007-09-12T02:52:00.001+04:00

அன்பிற்கினிய இஸ்லாமிய சகோதர சகோதரிகள் அனைவருக்கும் எனது மனமார்ந்த புனித ரமழான் நல் வாழ்த்துக்கள்.

நட்புடன்

நேசன்.

கடலூர் அஞ்சல் சேவை மக்கள் குறை தீர்ப்பு கூட்டம்

2007-09-10T09:40:00.003+04:00

கடலூரில் வரும் 27ம் தேதி அஞ்சல் சேவை குறைகேட்பு

கடலூர் அஞ்சல் சேவை மக்கள் குறை தீர்ப்பு கூட்டம் வரும் 27ம் தேதி நடக்கிறது.

இது குறித்து அஞ்சலகங்களின் கண்காணிப்பாளர் கனகராஜ் விடுத்துள்ள செய்தி குறிப்பு:

வரும் 30ம் தேதியுடன் முடியும் காலாண்டுக்கான அஞ்சல் சேவை மக்கள் குறை தீர்ப்பு கூட்டம் கடலூர் வண்ணாரப்பாளையம் அஞ்சலகங்களின் கோட்ட கண்காணிப்பாளர் அலுவலகத்தில் வரும் 27ம் தேதி நடக்கிறது.

கூட்டத்திற்கு அஞ்சலக கண்காணிப்பாளர் கனகராஜன் முன்னிலை வகிக்கிறார்.

அஞ்சல் துறையின் வாடிக்கையாளர்களுக்கான குறைகள் இருந்தால் அதற்கான தீர்வுகள் பற்றி கூட்டத்தில் விவாதிக்கப்படும்.

அனைத்து அஞ்சலக சேவைகளிலும் வாடிக்கையாளர்களின் பிரச்னைகள், புகார்கள் மற்றும் குறைகள் போன்றவை விவாதித்து தீர்வுகள் காணப்படும்.

விவாதத்திற்கான புகார்கள் மற்றும் குறைகள் ஏதும் இருப்பின் அவைகளை எழுதி அஞ்சலகங்களின் கண்காணிப்பாளர், கடலூர் கோட்டம் என்ற முகவரிக்கு வரும் 24ம் தேதிக்குள் அனுப்ப வேண்டும்.

இவ்வாறு அந்த செய்தி குறிப்பில் கூறப் பட்டுள்ளது.

பரங்கிப்பேட்டை அருகே வீட்டின் பூட்டை திறந்து தங்க நகை திருட்டு

2007-09-10T09:40:00.002+04:00

பரங்கிப்பேட்டை அருகே வீட்டின் பூட்டை திறந்து தங்க நகை திருட்டு

2 பேருக்கு போலீஸ் வலைவீச்சு

பரங்கிப்பேட்டை,செப்.10-

பரங்கிப்பேட்டை அருகே விவசாயின் வீட்டின் பூட்டை திறந்து தங்க நகைகளை திருடிச் சென்ற 2 மர்ம மனிதர்களை போலீசார் தேடி வருகின்றனர்.

விவசாயி

கடலூர் மாவட்டம் பரங்கிப்பேட்டை அருகே உள்ள பி.முட்லூர் தர்கா தெருவை சேர்ந்தவர் நூருல் அமீது (வயது 45). விவசாயி. நேற்று முன் தினம் மதியம் நூருல் அமீது தனது குடும்பத்தினரோடு சிதம்பரம் சென்றார். பின்னர் அங்கிருந்து நள்ளிரவு வீட்டுக்கு வந்தார்.

அப்போது வீட்டின் கதவு திறந்து கிடந்தது. இதனை கண்டு நூருல் அமீது அதிர்ச்சி அடைந்தார். பின்னர் வீட்டிற்குள் சென்று பார்த்தார். அங்கே பீரே திறந்து இருந்தது. அதில் இருந்த 4 தங்க வளையல்களை காணவில்லை. யாரோ மர்ம ஆசாமிகள் உள்ளே வந்து திருடிச் சென்றது தெரிந்தது. இதன் மதிப்பு ரூ.30 ஆயிரம் ஆகும்.

2 பேருக்கு வலைவீச்சு

அதனை தொடர்ந்து நூருல் அமீது வீட்டு பின்புறம் உள்ள தோட்டத்துக்கு சென்றார். அப்போது அங்கிருந்த 2 பேர் நூருல் அமீதை பார்த்து ஓடினார்கள். அவர்களை நூருல்அமீது துரத்தி சென்றார். அதற்குள் அவர்கள் தலைமறைவாகி விட்டனர்.

இது பற்றி நூருல் அமீது பரங்கிப்பேட்டை போலீசில் புகார் செய்தார். அதன்பேரில் போலீஸ் இன்ஸ்பெக்டர் கோவிந்தராஜ், சப்-இன்ஸ்பெக்டர் திருவேங்கடம், குற்றப்பிரிவு சப்-இன்ஸ்பெக்டர் ராஜேந்திரன் ஆகியோர் வழக்குப்பதிவு நகைகளை திருடிக் கொண்டு விட்டு தப்பி ஓடிய 2 பேரை தேடிவருகின்றனர்.

பரங்கிப்பேட்டை அருகே தனியார் பஸ் கண்ணாடி உடைப்பு

2007-09-10T09:40:00.001+04:00

பரங்கிப்பேட்டை அருகே தனியார் பஸ் கண்ணாடி உடைப்பு

வாலிபருக்கு போலீஸ் வலைவீச்சு

பரங்கிப்பேட்டை,செப்.10-

பரங்கிப்பேட்டை அருகே தனியார் பஸ் கண்ணாடியை உடைத்த வாலிபரை போலீசார் வலைவீசி தேடிவருகின்றனர்.

கண்ணாடி உடைப்பு

கடலூர் மாவட்டம் சிதம்பரத்தில் இருந்து நேற்று முன்தினம் தனியார் பஸ் ஒன்று கடலூர் நோக்கி சென்றது. பஸ்சை மணிக்கொல்லையை சேர்ந்த மணிகண்டன் ஓட்டி வந்தார். அந்த பஸ் புதுச்சத்திரம் அருகே உள்ள பூண்டியாங்குப்பம் வந்தது. அப்போது அங்கிருந்த பயணிகள் பஸ்சை மறித்தனர். ஆனால் பஸ் நிற்காமல் கடலூர் சென்றது.

இது அங்கு பஸ்சுக்காக காத்திருந்த பயணிகளை ஆத்திரத்தை ஏற்படுத்தியது. சிறிது நேரம் கழித்து அந்த கடலூர் சென்று விட்டு மீண்டும் பூண்டியாங்குப்பம் மெயின் ரோடு வழியாக சிதம்பரம் வந்து கொண்டிருந்தது. இதனை பார்த்த பூண்டியாங்குப்பம் ராஜாராமன் மகன் விஜி (வயது 20) பஸ்சின் முன்பக்க கண்ணாடிகளை கல்லால் அடித்து உடைத்தாக தெரிகிறது. இதில் கண்ணாடிகள் சுக்கு தூறாக உடைந்து விழுந்தது.

வாலிபருக்கு வலைவீச்சு

இதன் மதிப்பு ரூ.20 ஆயிரம் ஆகும். இது பற்றி பஸ் டிரைவர் மணிகண்டன் புதுச்சத்திரம் போலீசில் புகார் செய்தார். அதன் பேரில் போலீஸ் இன்ஸ்பெக்டர் கண்ணதாசன், போலீஸ் சப்-இன்ஸ்பெக்டர் சுப்பிரமணி ஆகியோர் வழக்குப்பதிவு செய்து தனியார் பஸ் கண்ணாடியை கல்வீசி உடைத்த விஜியை தேடி வருகின்றனர்.

பரங்கிப்பேட்டை அருகே சாராயம் கடத்தல்

2007-09-10T09:40:00.000+04:00

பரங்கிப்பேட்டை அருகே காரில் 500 லிட்டர் சாராயம் கடத்தல்

வாலிபருக்கு போலீஸ் வலைவீச்சு

பரங்கிப்பேட்டை,செப்.10-

பரங்கிப்பேட்டை அருகே காரில் 500 லிட்டர் சாராயம் கடத்திய வாலிபரை போலீசார் தேடி வருகின்றனர்.

சாராய வேட்டை

கடலூர் மாவட்டம் புதுச்சத்திரம் போலீஸ் சரகத்தில் விஷ சாராயம் கடத்தப்படுவதாக சிதம்பரம் உதவி போலீஸ் சூப்பிரண்டு செந்தில் வேலனுக்கு தகவல் கிடைத்தது.

அதன்பேரில் சிதம்பரம் உதவி போலீஸ் சூப்பிரண்டு செந்தில் வேலன் மேற்பார்வையில் புதுச்சத்திரம் போலீஸ் இன்ஸ்பெக்டர் கண்ணதாசன், சப்- இன்ஸ்பெக்டர் சுப்பிரமணி மற்றும் போலீசார் புதுச்சத்திரம், பெரியப்பட்டு ஆகிய பகுதியில் தீவிர சாராய வேட்டை நடத்தி வந்தனர்.

அப்போது அந்த வழியாக வந்த வாகனங்ளை நிறுத்தி சோதனை செய்தனர். அந்த நேரத்தில் கடலூரில் இருந்து சிதம்பரம் நோக்கி ஒரு கார் வேகமாக வந்தது. இதனை பார்த்த போலீசார் அந்த காரை வழிமறித்தனர். ஆனால் அந்த கார் நிற்காமல் சென்றது.

500 லிட்டர் சாராயம்

இதனால் சந்தேகமடைந்த போலீசார் அந்த காரை ஜீப்பில் விரட்டினர். அந்த கார் பரங்கிப்பேட்டை ரோட்டில் சென்றபோது போலீசார் வழிமறித்து பிடித்தனர். தற்குள் காரில் இருந்த டிரைவர் தப்பி ஓடி விட்டார். உடன் போலீசார் அந்த காரை சோதனை செய்தனர். சோதனையில் அந்த காரில் 500 லிட்டர் விஷ சாராயம் இருந்தது கண்டுபிடிக்கப்பட்டது.

அதனை தொடர்ந்து சாராயத்தையும், அந்த காரையும் போலீசார் பறிமுதல் செய்தனர். இதன் மதிப்பு ரூ.2 லட்சம் ஆகும். விசாரணையில் தப்பி ஓடியவர் கருவேப்பம்பாடியை சேர்ந்த கஜேந்திரன் (வயது 30), என்று தெரிந்தது.

இது பற்றி புதுச்சத்திரம் போலீசார் வழக்குப்பதிவு செய்து கஜேந்திரனை தேடி வருகின்றனர்.

பரங்கிப்பேட்டையில் ஆசிரியர் தின விழா

2007-09-09T14:21:00.001+04:00

மூனா ஆஸ்திரேலியன் பள்ளியில் ஆசிரியர் தின விழா கொண்டாட்டம்

பரங்கிப்பேட்டை மூனா ஆஸ்திரேலியன் பள்ளியில் ஆசிரியர் தின விழா கொண்டாடப்பட்டது.

விழாவிற்கு பள்ளி தாளாளர் அன்சாரி தலைமை தாங்கினார். பள்ளி முதல்வர் முகமது அல்பாசி வரவேற்றார். மூனா ஆசிரியர் பயிற்சி நிறுவனத்தின் விரிவுரையாளர்கள் லியாகத்அலி, வேலாயுதம், ஜோதிமணி, கோதண்டராமன் ஆகியோர் பேசினர்.

விழாவில் கடந்த கல்வி ஆண்டில் சிறப்பாக பணியாற்றிய ஆசிரியர்கள் ரிண்டோ டிப்சோ, வசந்தி, குபேரராஜா ஆகியோருக்கு பரிசுகள் வழங்கப்பட்டன.

விழாவில் மூனா ஆஸ்திரேலியன் பள்ளி ஆசிரியர்கள், மாணவர்கள் மற்றும் மூனா ஆசிரியர் பயிற்சி நிறுவன விரிவுரையாளர்கள், மாணவர்கள் உட்பட பலர் கலந்து கொண்டனர்.

ரமழானே வருக...! ரஹ்மத்தைத் தருக...!!

2007-09-09T14:02:00.000+04:00

ரமழானே வருக...! ரஹ்மத்தைத் தருக...!!

அல்லாஹ்வின் அருள்மழை பொழியும் அற்புதத் திங்கள்!
ஆவலுடன் எதிர்பார்த்த அடியார்களின் ஆசை மாதம்!
இறைவனுடன் இணக்கத்தை ஏற்படுத்தும் இணையில்லா மாதம்
ஈகையை ஈந்துவக்கும் ஈடில்லாதவனின் இனிமை மாதம்!
உயர் பண்புகளை உருவாக்கும் உன்னத மாதம்!
ஊண், உறக்கம் துறந்து உயர்வான குணங்களை உள்ளத்தில் கொண்டுவரும் மாதம்!
எத்தகைய இடர்பாடுகள் ஏற்படினும் பொறுமையை கற்றுத்தரும் மாதம்!
ஏழ்மையை விரட்டும் ஏந்தல்களின் ஏற்றமிகு மாதம்!
ஐயங்கள் நீங்கி படைத்தவனிடம் ஐக்கியமாகும் மாதம்!
ஒற்றுமையை ஒலி(ளி)க்கும் ஒப்பற்ற மாதம்!
ஓரிறைக் கொள்கையை உலகெங்கும் ஓதிய மாதம்...

நம்மை நோக்கி தன் ஒளிக்கதிர்களை பதிக்க விரைவில் வர இருக்கின்றது.

சுட்டெரிக்கும் சூரியனின் வெப்பக்கதிர்கள் நம்மை தாக்க வரும்போது நிழல் தேடி அலைவது போல் நம் பாவங்களை கருக வைக்கும் தீப்பிழம்பாய் ரமழான் வருகிறது.

அருள்மறையை அருளிய அருளாளனின் அன்பு மாதம் நம்மை அரவணைத்துச் செல்ல அண்மையில் வந்துகொண்டிருக்கிறது.

ஏக வல்லோன் அல்லாஹ்விடம் நெருங்க வைக்கும் மேலதிக வணக்க வழிபாடுகள் செய்ய வழிவகுக்கும் வரப்பிரசாதம் இந்த ரமழான்.

இறை நம்பிக்கைக் கொண்டோர் தம் உள்ளங்களால் எண்ணிய அனைத்து நற்செயல்களுக்கும் வழிதிறக்கும் அற்புத மாதம்.

இறைவனிடம் அருள் வேண்டும் முதல் பத்து தினங்களை உள்ளடக்கிய அருள் மாதம் அழகாக வருகின்றது.

பாவ மன்னிப்பு கோரும் நெஞ்சங்களில் பால்வார்க்கும் புண்ணிய மாதம் இரண்டாம் பத்து தினங்களுடன் புதையலாக வருகின்றது.

நரக நெருப்பின் விடுதலையை வேண்டி நிற்கும் நல்லோர்களின் நம்பிக்கை மாதம்,

சுவனத்தில் நுழைய துடிக்கும் சுந்தர நபிகளின் உம்மத்துகள் சுற்றும் சூழ காண துடிக்கும் சூப்பர் மாதம்

முத்தான மூன்றாம் பத்து தினங்களுடனே முன்னறிவிப்புடன் வருகின்றது.

உள்ளத்தால் அன்பை விதைத்து, உடலால் பணிவை வெளி கொணர்ந்து மக்களிடம் கருணையை அறுவடை செய்யும் காலம் ரமழான் என்பதை நாம் அறிந்து வைத்துள்ளோம்.

ஆன்மீக பயிற்சிக்கு அடிகோலும் அற்புத வாய்ப்பை அள்ளி வழங்கிடும் மாதம்!

இறைவனின் வற்றாத கருணையான ரஹ்மத்தையும், ஊற்றுக்கண்ணாக விளங்கும் பரக்கத்தையும் ஒருசேர வாரி வழங்கிடும் வள்ளல் மாதம்.

செய்த குற்றங்கள் சிறியதாயினும், பெரியதாயினும் மன்னிப்பின் வாசல் திறக்கப்பட்டு பாவிகளுக்கு பாவமன்னிப்பு பகிர்ந்திடும் படைத்தவனின் மாதம்.

நினைத்த காரியங்கள் தடையின்றி நடைபெற நம்முடைய இருகரமேந்திய பிரார்த்தனை அவசியம், அப் பிரார்த்தனை பரிசீலனைக்கு எடுத்துக் கொள்ளப்பட்டு உடனடியாக பதிலளிக்கப்படும் பண்புள்ள மாதம்.

நாம் படைக்கப்படுவதற்கு முன்னர், மனிதனையா படைக்கப் போகிறாய்? என்று ஆச்சரிய வினா தொடுத்த வானவர்கள் நம் செயல்களைக் கண்டு, வியந்து இறைவனிடம் பெருமை பாராட்டி பெருமிதப்படுத்தும் பேருள்ள மாதம்.

நம்மை வழிகெடுக்கும் நாசகார, தீய சக்திகளான ஷைத்தான்கள் விலங்கிடப்பட்டு கொட்டிலில் அடைக்கப்படும் காருண்ய மாதம்.
இணையில்லா இறைவனின் எல்லையில்லா கூலி வழங்கப்படும் மாதம்.

நோன்பாளிகள் மட்டும்... என்ற அறிவிப்புடன் திறக்கப்பட்டுள்ள உயர்தர சுவனத்தில் நாம் நோன்பாளி என்ற பெருமையுடன் நுழைய வைக்கும் மாதம்.

சுகந்த காற்று வீசும் வசந்த கால திறப்பு போல சுவனக்காற்றை வீச வானங்கள் மற்றும் சுவனங்களின் திறப்பு விழா நடைபெறும் விழாக்கா(கோ)லம்.

கோடைகால வெப்பத்தையே தாங்க முடியாத நமக்கு நரகத்தின் கொடுமையை தாங்க முடியுமா?

அதற்கு முடிவுகட்டும் விதமாக முடிவில்லாத முன்னவன் அல்லாஹ்வின் முன்னேற்பாடு தான் இந்த ரமழான்.

ஆம்! இந்த வசந்த காலத்தில் நரகச்சூடு நம்மைத் தொட அனுமதியில்லை.

எங்கும் எப்போதும் சுகம்! அதுதான் இறைவன் மனிதனுக்குக் கொடுத்த வரம்!! அதற்காகத்தான் இந்த மாதத்தில் மூடப்படும் நரகம்!!!

ஓராயிரம் இரவுகள் விழித்திருந்தால்தான் ஒருசில நன்மைகளை பெற முடியும் என்ற வாழ்க்கைச் சூழலில் ஓரிரவு விழித்திருந்தாலே போதும் ஓராயிரம் இரவுகள் செய்த செயல்களுக்குண்டான நன்மைகளை சம்பாதித்துக் கொள்ளலாம் என்ற சுபச் செய்தியுடன் லைல(த்)துல் கத்ர் என்ற புதையலை தன்னுள் வைத்திருக்கும் அருள் சுரங்கம்.

வாடிய பயிரை கண்டபோது வாடுவதை விட அதற்கு தண்ணீர் வார்ப்பது மேலான செயல் என்பது போல வறியோருக்கும், எளியோருக்கும், இல்லாதோருக்கும் வாரி வழங்கி கொடைத்தன்மையையும், வள்ளல் குணத்தையும் வாஞ்சையுடன் கற்றுத்தரும் வளமிகு மாதம்.

நாம் மட்டும் நன்மைகள் பல செய்து, தீமைகளை விட்டும் தவிர்ந்திருந்தால் போதுமா? பிறருக்கும் நல்லவற்றை போதிக்க வேண்டாமா? தீமையை விட்டும் தடுக்க வேண்டாமா? அந்தப் புனிதப் பணியை வழங்கும் பயிற்சிக்களம்தான் இந்த ரமழான்.

அடுத்தவருக்கு அநீதி இழைத்தல் ஆபத்தானது என்பதை அனைவருக்கும் அறிவுறுத்தும் அழகிய மாதம்.

பிறரின் தேவைகளை அறிந்து முடிந்தளவு உதவிகள் புரிய உள்ளத்தில் உதவிப்பண்பை ஊற்றெடுக்க வைக்கும் உன்னத மாதம்.

கஸ்தூரி மணம் கமழும் மணப்பொருளை விட நோன்பாளியின் வாய் வாடை வல்லோன் விரும்பும் வாசனை என்பதை வலியுறுத்தும் வசந்த மாதம்.

உலக காரியங்களில் போட்டியிட்டால் வெற்றியாளர் ஒருவரே! மற்ற அனைவரும் தோல்வியுற்றோர் என்பது நாம் அறிந்த நியதி. ஆனால், இம்மாதத்தில் நற்செயல்களில் போட்டியிடுவோர் அனைவரும் வெற்றியாளர்கள் என்பதும்,

தோல்வியில்லா வாழ்க்கையும், துவண்டு போகாத நிம்மதியும் கிடைக்கும் என்பதும் வெற்றியளிக்கும் அல்லாஹ்வின் வாக்குறுதி என்பதை உணர்த்தும் மாதம்.

வழிபாடுகள் என்ற குறைவான மூலதனம். இறைபொருத்தம் மற்றும் சுவனம் என்ற இலாபம் மட்டுமே! வேறு எந்தவித நஷ்டமும் இல்லை என்ற புதுவித வியாபார உத்தியை கற்றுக்கொடுக்கும் கல்வி மாதம்.

இறுதியாக...

இறையச்சம் என்னும் தக்வாவை நம் உள்ளங்களில் உறையவைக்க உண்மையாளன் அல்லாஹ் உம்மி நபி (ஸல்லல்லாஹு அலைஹி வஸல்லம்) அவர்களின் உம்மத்திற்கு வகுத்தளித்த செயல்முறை திட்டம்.

அம்மாதத்தில் நாம் செய்ய வேண்டியது நோன்பு நோற்பது மட்டும் தானா...?

இறைவன் மீது முழு நம்பிக்கை வைத்து. நன்மைகளை எதிர்பார்த்து நோன்பு நோற்க வேண்டும்.
அதே அடிப்படையில் இரவு வணக்கங்களை நிறைவேற்ற வேண்டும்.
இவ்விரண்டு செயற்பாடுகளும் நம்முடைய முன் செய்த பாவங்கள் மன்னிக்கப்படுவதற்கு காரணமாக அமைந்துவிடும்.
ஐவேளை தொழுகைகளையும் பள்ளிவாசலுக்கு சென்று கூட்டா(ஜமாஅத்தா)க நிறைவேற்ற வேண்டும்.
இது கூட்டு வாழ்க்கை முறையையும். சகோதர பாசத்தையும் பலப்படுத்த உதவி செய்யும்.
தினந்தோறும் திருக்குர்ஆனை உள்ளச்சத்துடன். பொருள் விளங்கி, ஓத வேண்டிய முறையில் ஓத வேண்டும்.
இது இறைவனின் கருணையும். மன நிம்மதியும் ஏற்பட வழிவகுக்கும்.
இஸ்லாமிய அறிவை கற்றுக்கொள்ள அல்லது கற்றுக்கொடுக்க முயற்சி செய்ய வேண்டும்.
இது ஈருலுக வெற்றிக்குண்டான பாதையை திறந்து வைக்கும்.
இரவு வணக்கம் என்ற தராவீஹ் மற்றும் தஹஜ்ஜத் தொழுகைகளை அதிகமாக தொடர்ந்து தொழுது வர வேண்டும்.
இவை இறைவனின் நெருக்கத்தை ஏற்படுத்தும் சிறந்த வழிமுறையாகும்.
உறவுமுறையை பேணி வாழ வேண்டும்.
இது குடும்ப சீரமைப்பிற்கும். சொந்தங்கள் சேர்ந்து வாழ்வதற்கும் சீரான வழியை காட்டும்.
இல்லாருக்கும். எளியோருக்கும் முடிந்த வரை உதவிகள் புரிய வேண்டும்.
இது பிறர் மீது அன்பு செலுத்துதல் என்ற மேலான குணத்தை உள்ளத்தில் ஊற்றெடுக்க வைக்கும்

அன்பின் இஸ்லாமியச் சகோதர, சகோதரிகளே...!

தயாராகுவோம் நாம்...!
இறைவழிபாட்டில் திளைத்திருப்போம்!
இறைமறை குர்ஆனை ஓதுவதில் மூழ்கியிருப்போம்!
வீண் பேச்சுகளை தவிர்ந்திருப்போம்!
வீணாணவைகளை விட்டும் ஒதுங்கியிருப்போம்!
பகல் முழுவதும் பசித்திருந்து நோன்பிருப்போம்!
இரவு முழுவதும் விழித்திருந்து இறையைத் தொழுவோம்!
புனித ரமழானில் புதையலைத் தேடிப் புறப்படுவோம்!
நாளை மறுமையில் பொன்னான வாழ்வை சென்றடைவோம்!
இங்கே நாள்தோறும் நன்மைகள் பல புரிவோம்!
ஈருலகிலும் நாயன் அல்லாஹ்வின் அருளைப் பெற முயற்சிப்போம்!
அல்குர்ஆனின் வழிமுறையில் செல்வோம்!
அல்லாஹ்வின் அளவிலா அருளைப் பெறுவோம்!
சுன்னத்தைப் பேணி சிறப்பாக வாழ்வோம்!
சுகந்தரும் சுவனத்தில் சுதந்திரமாக நுழைவோம்!

உலக இஸ்லாமிய சகோதர, சகோதரிகள் அனைவருக்கும் புனித ரமழான் நல் வாழ்த்துக்கள்!

பரங்கிப்பேட்டை மவ்லவீ அஃப்ழலுல் உலமா அ. பா. கலீல் அஹ்மத் பாகவீ எம்.ஏ (அரபிக்)., எம்.ஏ (தத்துவமும் சமயமும்).,

இன்று சர்வ தேச எழுத்தறிவு தினம்

2007-09-08T13:33:00.001+04:00

இன்று சர்வ தேச எழுத்தறிவு தினம்

எழுத்தறிவு என்றால் என்ன...?

ஏதாவது ஒரு மொழியில் புரிதலுடன் சரியாக பேசவும், எழுதவும் தெரிந்தவரே எழுத்தறிவு பெற்றவர் என கருதப்படுகிறார்.

இது தவிர எழுத்தறிவு பெற்றவராக கருத குறிப்பிட்ட வகுப்பு வரை படித்திருக்க வேண்டும் என எந்த தகுதியும் நிர்ணயிக்கப்படவில்லை.

இதை அடிப்படையாக கொண்டு எடுக்கப்பட்ட 2001 கணக்கெடுப்பின்படி இந்தியாவில் 65 சதவீதம் பேர் மட்டுமே எழுத்தறிவு பெற்றவர்கள் என தெரியவந்துள்ளது.

இதனால் உலகிலேயே அதிகளவு எழுத்தறிவற்றோர் வசிக்கும் நாடு என்ற நிலை உருவாகியுள்ளது.

குறிப்பாக பெண் குழந்தைகளுக்கு கல்வி கிடைப்பது கடினமான காரியமாக இருக்கிறது. பெண்களில் 55 சதவீதம் பேர் மட்டுமே எழுத்தறிவு பெற்றவர்களாக உள்ளனர்.

அரசியல் குழப்பங்களும், வறுமையும் வாட்டியெடுக்கும் வங்கதேசத்தில் பெண்குழந்தைகளை பள்ளிக்கு அனுப்புவது அதிகரித்துள்ளது.

இந்தியாவிலும் சமூக அளவில் மாற்றம் தேவை என இது உணர்த்துகிறது.

6 முதல் 14 வயதுக்குட்பட்ட அனைவரும் கல்வியறிவு பெறுவது கட்டாயம் என்ற சட்டமிருந்தும், கல்விக்கென 2 சதவீதம் சிறப்பு வரி விதிக்கப்பட்டும், சில மாநிலங்களில் மத்திய அரசின் கல்வி வளர்ச்சி திட்டங்களை முறையாக செயல்படுத்தவில்லை.

பீகாரில் 47 சதவீதம் பேர் மட்டுமே எழுத்தறிவு பெற்றவர்களாக உள்ளனர்.

பீகார், ஜார்க்கண்ட் போன்ற மாநிலங்களில் வறுமையால் எழுத்தறிவின்மை; எழுத்தறிவு இல்லாததால் வறுமை என்ற நிலை.

எழுத்தறிவு பெற்றோர் அதிகமுள்ள கேரளாவில் வசிப்போரின் சராசரி வாழ்நாள் 73 ஆண்டுகளாக உள்ளது.

பீகாரில் இது 65 ஆண்டுகளாக உள்ளது. எழுத்தறிவுக்கும், ஆரோக்கியத்துக்கும் நேரடி தொடர்பு இருப்பதை இதன் மூலம் புரிந்துகொள்ளலாம்.

இதனால் தான் 'ஆரோக்கியமும், நல்வாழ்வும் தரும் கல்வி' என்பதை இந்த ஆண்டு எழுத்தறிவு தினத்தின் கோஷமாக ஐ.நா., முன்வைத்துள்ளது.

இந்தியாவில் உள்ள மனிதவளத்தை சிறப்பான வழியில் பயன்படுத்த அனைவரும் கல்வி பெற வேண்டியது அவசியம்.

கல்வியறிவு பெறுவது அடிப்படை மனித உரிமைகளில் ஒன்று என்கிறது ஐ.நா.,

2015க்குள் அனைவருக்கும் கல்வி என்ற இலக்கை யுனெஸ்கோ நிர்ணயித்துள்ளது. இதற்கு முழுமையான ஒத்துழைப்பு தருவதாக இந்தியா தெரிவித்துள்ளது.

இந்தியாவில் பிறக்கும் ஒவ்வொரு குழந்தையையும் பள்ளிக்கு அனுப்ப தீவிர முயற்சி எடுக்கப்படும் என மத்திய அரசு உறுதியளித்துள்ளது.

1994ம் ஆண்டு மத்திய அரசின் மாவட்ட தொடக்க கல்வி திட்டத்தின் கீழ் நாடு முழுவதும் 1 லட்சத்து 60 ஆயிரம் பள்ளிகள் திறக்கப்பட்டன.

தமிழகத்தில் செயல்படுத்தப்பட்டு வரும் சத்துணவு திட்டம் பெருமளவில் மாணவர்களை பள்ளிகளுக்கு ஈர்த்தது.

இதை பின்பற்றி மத்திய அரசும் 1995ம் ஆண்டு முதல் இலவச மதிய உணவு திட்டத்தை செயல்படுத்தி வருகிறது.

2010க்குள் அனைத்து குழந்தைகளுக்கும் கல்வி என்ற இலக்கை வைத்துக்கொண்டு "சர்வ சிக்ஷா அபியான்' திட்டம் உருவாக்கப்பட்டது.

நகர்புறங்களில் வசிக்கும் பெரும்பாலான குழந்தைகள் தொடக்க கல்விக்கு தனியார் பள்ளிகளையே நாடும் சூழல் உள்ளது.

இதனால் அரசுப்பள்ளிகளின் தரத்தை உயர்த்தவும் நடவடிக்கைகள் எடுக்கப்பட்டு வருகின்றன.

நன்றி: பரங்கிப்பேட்டை கலீல் பாகவீ

ஹாபிழ் பட்டமளிப்பு விழா

2007-09-06T19:56:00.000+04:00

சென்னை காஷpபுல் ஹுதாவின் அல்மதரசத்துல் மஹ்முதியா (மீராப்பள்ளி, பரங்கிப்பேட்டை) ஹாபிழ் பட்டமளிப்பு விழா கடந்த ரஜப் மாதம் பிறை 21 (05.08.07) ஞாயிறு அன்று பரங்கிப்பேட்டை, மீராப்பள்ளி அல்மதரசத்துல் மஹ்முதியா வளாகத்தில் இனிதே நடைபெற்றது. உலமா பெருமக்கள், மாணவர்கள், நகர ஜமாஅத்தார்கள் கலந்து கொண்ட இந்நிகழ்வில், இஸ்லாமிய ஐக்கிய ஜமாஅத் மற்றும் பேருராட்சி மன்றத்தின் தலைவர் ஜனாப் முஹம்மது யூனுஸ் அவர்கள் தலைமையேற்றார்கள். அல்மதரசத்துல் மஹ்முதியா நிர்வாகி கலிமா ஹாஜி. சேய்கு அப்துல் காதர் அவர்கள் முன்னிலை வகித்தார்கள். சென்னை காஷpபுல் ஹுதாவின் முதல்வர் மௌலானா அல்ஹாஜ் முஹம்மது யாகுபு ஹஜ்ரத் அவர்கள் மாணவர்களுக்கு ஸனது (பட்டம்) வழங்கி துஆ செய்தார்கள்.
திருச்சி ஜோசப் கண் மருத்துவமனை, மாவட்ட பார்வை இழப்பு தடுப்பு சங்கம் மற்றும் செயின்ட் ஆல்பன்ஸ் என்ற தன்னார்வ தொண்டு நிறுவனம் இணைந்து கண் பார்வை இழப்பு மற்றும் சிகிச்சை முகாம் ஒன்றினை கடந்த மாதம் பரங்கிப்பேட்டை ஆண்கள் உயர்நிலைப்பள்ளியில் நடைபெற்றது. இதில திரளான மக்கள் கலந்து கொண்டு பயனடைந்தனர். நிகழ்ச்சியிpல் புவனகிரி தொகுதி மக்கள் பிரதிநிதி செல்வி ராமஜெயம் கலந்து கொண்டு உரையாற்றினார் .

நன்றி: www.parangipettai.com

பரங்கிப்பேட்டையை கப்பல்கட்டும் துறைமுகமாக அறிவிக்க கோரிக்கை .

2007-09-06T19:51:00.000+04:00

பரங்கிப்பேட்டையை கப்பல்கட்டும் துறைமுகமாக அறிவிக்க கோரிக்கை .

பரங்கிப்பேட்டை பேரூராட்சி மன்ற தலைவர் ஹாஜி. எம்.எஸ். முஹம்மது யூனூஸ் மாவட்ட ஆட்சித் தலைவருக்கு அனுப்பிய கோரிக்கை மனுவில்
கடலூர் மாவட்டத்தில் தமிழக அரசால் ரெட்டியார்பேட்டை புதுக்குப்பம் பகுதியில் கப்பல் கட்டும் தளம் அமைக்க இருப்பதை சிலம்பிமங்கலம் துறைமுகம் என பெயர் வைக்க தமிழக அரசு முடிவெடுத்துள்ளாத அறிகிறோம். புதுக்குப்பத்திற்கு மிக அருகில் உள்ள பழமை வாய்ந்த துறைமுக நகரமான பரங்கிப்பேட்டையை துறைமுகமாக அறிவிக்க வேண்டும் என கோருகிறேன். உலகம் அறிந்த பழைய துறைமுக நகரமான பரங்கிப்பேட்டை போர்த்துகீசிய காலத்தில் போர்ட்நோவோ என்ற துறைமுகமாக இருந்து வந்தது. நீண்ட வரலாறுகளை உள்ளடக்கிய பழமை வாய்ந்த நகரம், மீன்பிடி துறைமுகம், சுற்றுலா தளம் பரங்கிப்பேட்டை, கிள்ளை புதியபாலம் அமைய இருக்கின்ற இந்த ஊரை துறைமுகமாக அறிவித்து இப்பகுதியை முன்னேற்ற தமிழக அரசிற்கு பரிந்துரை செய்ய மாவட்ட ஆட்சியரை கேட்டுக்கொள்கிறேன்.
பேரூராட்சி அலுவலகம்
பரங்கிப்பேட்டை.
இந்த கோரிக்கை பரங்கிப்பேட்டை ஐக்கிய ஜமாத் சார்பாக கொடுக்கப்பட்டது
உயர்திரு. மாவட்ட ஆட்;சியர் அவர்கள், கடலூர்.பெருமதிப்பிற்குரிய ஐயா,
பரங்கிப்பேட்டை வாழ்பொதுமக்கள் மற்றும் பரங்கிப்பேட்டையைச் சுற்றியுள்ள ஊர்களில்வாழும் மக்கள் சார்பாக இக்கோரிக்கை மனுவினை மாவட்ட ஆட்;சியர் அவர்களின் மேலான தகவலுக்காகவும் நடவடிக்கைக்காகவும் சமர்ப்பிக்கிறேன்.
கடந்த 20 ஆண்டுகளுக்கு மேலாக கடலூர் OTயிலிருந்து பரங்கிப்பேட்டை வாத்தியாப்பள்ளி வரை அரசு டவுன் பஸ் இயங்கிவறுகிறது. பரங்கிப்பேட்டையிலிருந்து கடலூர் புதுநகருக்குச்செல்வோர் பரங்கிப்பேட்டை பஸ் நிலையத்திலிருந்து புறப்படும் தனியார் பேருந்துகளையே பயன்படுத்தவேண்டிய நிர்பந்தம் உள்ளது. மேலும் பரங்கிப்பேட்டையிலிருந்து கடலூர் புதுநகருக்கு மிகக்குறைந்த அளவிலேயே தனியார் பேருந்துகள் இயங்குகின்றன. பலநேரங்களில் மணிக்கணக்கில் கடலூர் புதுநகருக்குச் செல்ல பேருந்துகள் இருப்பதில்லை இதனால் கடலூர் புது நகருக்குச் செல்லவேண்டிய பொதுமக்கள், வியாபாரிகள், கல்லூரி மற்றும் பள்ளி மாணவ, மாணவிகள் பெறும் கிரமத்திற்கு ஆளாகின்றனர். பெரும்பாலான நேரங்களில் கடலூர் புதுநகருக்குச் செல்வோர் பு.முட்லூர் சென்று அங்கிருந்து கொத்தட்டை வழியாக கடலூர் செல்லும் பேருந்துகளில் பயணிக்கின்றனர். இதனால் தேவையற்ற கால விரயமும் பணச்செலவும் ஏற்படுகிறது. மேலும் பள்ளி கல்லூரி மாணவ மாணவிகள் மற்றும் அரசு ஊழியர்கள் குறிப்பிட்ட நேரத்தில் பள்ளி கல்லூரிக்கும் அலுவலகத்திற்கு சென்றடைய முடியாதநிலை உள்ளது.
அவர்களின் புதிய போக்குவரத்து கொள்கையின்படி 35 கிலோமீட்டர் Àரம் வரை அரசு டவுன் பஸ்களை இயக்கலாம் என அறிகிறோம். எனவே மாவட்ட ஆட்சியர் அவர்கள் பரங்கிப்பேட்டை வாழ் பொது மக்கள், பள்ளி கல்லூரி மாணவ, மாணவியர், வணிகர்கள் ஆகியோரின் சவுகரியம் கருதி கடலூர் புதுநகரிலிருந்து ஒவ்வொரு மணிஇடைவெளியிலும் ஒரு டவுன் பஸ்ஸை பரங்கிப்பேட்டை வாத்தியாப்பள்ளிவரை இயங்கிட சம்மந்தப்பட்ட போக்குவரத்துத்துறை அலுவலர்களுக்கு அறிவுரை வழங்குமாறு பணிவுடன் கோறுகிறோம். இந்த நியாயமான கோரிக்கை ஏற்க்கப்பட்டு கடலூர் புதுநகரில் இருந்து பரங்கிப்பேட்டை வாத்தியாப்பள்ளி தெருவரை புதிய வழித்தடம் துவங்கினாலும் ஏற்கனவே புழக்கத்தில் இருந்துவரும் கடலூர் யிலிருந்து பரங்கிப்பேட்டை வாத்தியாப்பள்ளி வரை இய ங்கி வரும் டவுன்பஸ்களும் தொடர்ந்து இயங்கத்தக்க வகையில் புதிய வழித்தடத்தினை இயக்கிட ஆவண செய்யுமாறு கோறுகிறேன்.

நன்றி: www.parangipettai.com